Home » , » VADH BACHEY BACHE PUNJAB-1 ( More Babies: Save Punjab) Book in Punjabi (Part -I)

VADH BACHEY BACHE PUNJAB-1 ( More Babies: Save Punjab) Book in Punjabi (Part -I)

VADH BACHEY BACHE PUNJAB ( More Babies: Save Punjab) Book in Punjabi 

ਪੰਜਾਬੀ ਵਿਚ

(Part -I)

Growth rate of population of Punjabis is alarmingly low as compared to other states. According to a principle of demography a nation whose annual growth rate falls below 2.1% will vanish from the world map. Unfortunately the rate of Punjabis is 0.9% according to the 2011 census. Also as a result of low birth rate of Punjabis migrations are fast taking place to Punjab. If the trend continues Punjabis will become a minority in their home within 20 years.  The other harmful impact of the bhaiyya migration is that they insist on the preservation of their language and prefer to speak in Hindi while in Punjab. Which means Punjab's culture is also threatened. The book VADH BACHEY BACHE PUNJAB (in Punjabi) deals with this serious issue from different aspects.
The book is also available online in Devnagari (Hindi) script.)
The book in Punjabi deals with the following
• To sustain a population annual growth rate of 2.1% essential but Punjabis grow with 1% only
• Sikh population %age in Punjab goes down by 6% in 20 years
• No. of Punjabis babies dangerously low
• Downfall of Punjabis imminent
• In 30 years Bhaiyyas will be rulers of Punjab
• What r the reasons of this low growth rate?
• What punishments nature awarded to Punjabis?
It answers the .... s following questions:-
• Quantity or quality?( What is the use of producing herds?)
• Where r the jobs?
• Where is the food?
• Our land holding poor, how can we afford more children?
• It is too much inflation (mehgai)
• What is wrong if Bhaiyya becomes CM of Punjab when Ujjal Dosanjh can become Premier of British Columbia?
• Like this there r about 30 questions dealt in the book.
If u have sympathy with Punjabi people please help me circulate this book in 40 pages priced at Rs. 5 (five only)

VIDEO LINK

http://www.youtube.com/watch?v=7Q04gzo9Kfo

ਵੱਧ ਬੱਚੇ, ਬਚੇ ਪੰਜਾਬ

ਪੰਜਾਬੀਆਂ ਦਾ ਪਤਨ ਸਪੱਸ਼ਟ ਨਜਰ ਆ ਰਿਹਾ ਹੈ

ਅਬਾਦੀ-ਅਸੂਲ ਮੁਤਾਬਿਕ ਜੇ ਕਿਸੇ ਕੌਮ ਵਿਚ ਸਲਾਨਾ ਵਾਧਾ ਦਰ 2.1% ਤੋਂ ਘੱਟ ਜਾਵੇ ਤਾਂ ਓਹ ਕੌਮ ਖਾਤਮੇ ਵਲ ਠੱਲ ਪੈਦੀ ਹੈ। ਸਿੱਖਾਂ ਦਾ ਵਾਧਾ ਦਰ 1971 ਤੋਂ 1991 ਤਕ 2.5 ਰਿਹਾ ਹੈ। ਪਰ 2001 ਦੀ ਮਰਦਮ ਸ਼ੁਮਾਰੀ ਅਨੁਸਾਰ ਇਹ ਡਿਗ ਕੇ 1.4% ਤੇ ਪਹੁੰਚ ਗਿਆ। ਐਤਕਾ 2011 ਦੀ ਗਣਨਾ ਤੇ ਵਾਧਾ ਦਰ ਹੋਰ ਥੱਲੇ ਡਿਗ ਕੇ ਅੰਦਾਜਨ 1% ਸਲਾਨਾ ਤੇ ਪਹੁੰਚ ਚੁੱਕਾ ਹੈ।ਸਪੱਸ਼ਟ ਹੈ  ਬਾਕੀ ਕੌਮਾਂ ਦੇ ਮੁਕਾਬਲੇ ਪੰਜਾਬੀਆਂ ਦੇ ਬੱਚੇ ਘੱਟ ਪੈਦਾ ਹੋ ਰਹੇ ਹਨ।ਹੋਰ ਦੇਖੋ 1991’ਚ ਸਿੱਖ ਪੰਜਾਬ ਵਿਚ 63% ਸਨ ਪਰ 2001 ਵਿਚ 60% ਹੋ ਗਏ।2011 ਵਿਚ ਇਹ ਅਨੁਪਾਤ ਹੋਰ ਵੀ 2-3% ਥੱਲੇ ਆ ਗਿਆ ਹੈ।1981 ਵਿਚ ਸਿੱਖ ਭਾਰਤ ਦੀ ਅਬਾਦੀ ਦਾ ਕੁਲ 2.00% ਸਨ, 1991 ਵਿਚ 1.94 ਹੋ ਗਏ ਤਾਂ 2001 ਵਿਚ ਹੋਰ ਘਟਕੇ 1.90 ਰਹਿ ਗਏ। ਇਹਨਾਂ ਰੁਝਾਨਾਂ ਦਾ ਮਤਲਬ ਹੈ 30 ਸਾਲਾਂ ਬਾਦ ਸਿੱਖ ਪੰਜਾਬ 'ਚ ਘੱਟ ਗਿਣਤੀ 'ਚ ਹੋ ਜਾਣਗੇ ਤੇ 50 ਕੁ ਸਾਲਾਂ ਵਿਚ ਖੁੱਦ ਪੰਜਾਬੀ ਹੀ ਪੰਜਾਬ 'ਚ ਘੱਟ ਗਿਣਤੀ 'ਚ ਹੋਣਗੇ ਤੇ ਪੰਜਾਬ 'ਚ ਰਾਜ ਬੲ੍ਹੀਆਂ ਦਾ ਹੋ ਜਾਵੇਗਾ। ਇਹ ਸਭ ਕੁਝ ਨੰਗਾ ਹੋਣ ਦੇ ਬਾਵਜੂਦ ਸਰਕਾਰ ਚੁੱਪ ਬੈਠੀ ਹੈ ਜਿਸ ਤੋਂ ਸਪੱਸ਼ਟ ਹੈ ਕਿ ਪੰਜਾਬੀਆਂ ਤੇ ਖਾਸ ਕਰਕੇ ਸਿੱਖਾਂ ਦੀ ਸਰਕਾਰ ਨੂੰ ਕੋਈ ਚਿੰਤਾ ਨਹੀ। ਸਰਕਾਰ ਦਾ ਫਰਜ ਬਣਦਾ ਸੀ ਕਿ ਤੁਰੰਤ ਪੰਜਾਬੀ ਅਬਾਦੀ ਬਾਰੇ ਆਪਣੀ ਨੀਤੀ ਬਦਲਦੀ। ਪਰ ਅੱਜ ਵੀ ਜਨਮ ਰੋਕਣ ਤੇ ਪ੍ਰਵਾਰ ਅਯੋਜਨ ਤੇ ਜੋਰ ਦਿਤਾ ਜਾ ਰਿਹਾ ਹੈ।ਫਂਧਠ ਕਨੂੰਨ ਬਣਨ ਦੇ ਬਾਵਜੂਦ ਗਰਭਪਾਤ ਚੋਰੀ ਛੁੱਪੇ ਜੋਰਾਂ ਤੇ ਹਨ।ਸਰਕਾਰ ਇਸ ਤੇ ਚੁੱਪ ਹੈ।

ਪੰਜਾਬ ਵਿਚ ਬਚਿਆਂ ਦੀ ਪੈਦਾਇਸ ਘਟਣ ਦੇ ਮੁਖ ਕਾਰਨ ਬਣਦੇ ਹਨ ਸਰਕਾਰੀ ਪ੍ਰਾਪੇਗੰਡਾ ਜਿਸ ਦਾ ਖਾਸ ਨਿਸ਼ਾਨਾ ਪੰਜਾਬੀ ਲੋਕ ਸਨ ਅਤੇ ਪੰਜਾਬੀਆਂ ਵਿਚ ਨਾਸਤਕਵਾਦ ਦਾ ਪੈਦਾ ਹੋਇਆ ਰੁਝਾਨ। ਕਿਉਕਿ ਰੱਬ ਦੀ ਡਾਂਗ ਬੇਅਵਾਜ਼ ਹੁੰਦੀ ਹੈ ਜਿਸ ਦਾ ਨਤੀਜਾ ਇਹ ਨਿਕਲਿਆ ਹੈ ਕਿ ਪੰਜਾਬੀ ਮਾਨਸਿਕ ਤੇ ਸਰੀਰਕ ਪੱਖੋਂ ਵੀ ਜਾਂਦੇ ਰਹੇ ਹਨ ਤੇ ਪੰਜਾਬ ਵਿਚ ਹੋ ਰਹੀਆਂ ਕੁਲ ਮੌਤਾਂ 'ਚੋ ਮੁੱਖ ਕਾਰਨ ਬਲੱਡ ਪ੍ਰੈਸ਼ਰ ਜਿਹੇ ਰੋਗ ਬਣ ਰਹੇ ਹਨ, ਜਿਨਾਂ ਦੀ ਜੜ੍ਹ ਨਾਸਤਕਵਾਦ ਵਿਚ ਹੈ। ਇਨ੍ਹਾਂ ਹਾਲਾਤਾਂ ਦੇ ਮੱਦੇ ਨਜਰ ਅਸੀ ਪੰਜਾਬੀਆਂ ਨੂੰ ਅਪੀਲ ਕਰਦੇ ਹਾਂ ਕਿ ਕੁਦਰਤ ਦੇ ਕੰਮ ਵਿਚ ਦਖਲਅੰਦਾਜ਼ੀ ਦੇਣੀ ਬੰਦ ਕਰਨ ਤੇ ਬੱਚਾ ਪੈਦਾ ਹੋਣ ਦੇਣ। ਇਸ ਲੇਖ ਵਿਚ ਤੁਸੀ ਪੰਜਾਬੀਆਂ ਦੇ ਗਰਕਣ ਦੇ ਕਾਰਨ ਪੜੋਗੇ ਤੇ ਸਰਕਾਰਾਂ ਦੀਆਂ ਸਾਜਸ਼ਾਂ ਤੇ ਗੁਮਰਾਹਕੁੰਨ ਪ੍ਰਾਪੇਗੰਡੇ ਜਿਵੇ ਕਿ “ਅਬਾਦੀ ਵਧਣ ਨਾਲ ਜੀ ਬੇਰੁਜਗਾਰੀ ਵਧਦੀ ਹੈ ਤੇ ਅਨਾਜ ਕਿਥੋਂ ਆਵੇਗਾ” ਆਦਿ ਬੇਨਕਾਬ ਹੁੰਦੇ ਦੇਖੋਗੇ।  ਫਿਰ ਪੜੋਗੇ ਬੱਚਾ ਪਾਲਣ ਦੇ ਕੀ ਫਾਇਦੇ ਹਨ। ਪਰ ਨਾਲ ਹੀ ਅਸੀ ਸੁਚੇਤ ਕਰ ਦਈਏ ਕਿ ਫਿਕਰਮੰਦ ਹੋਣ ਦੀ ਵੀ ਕੋਈ ਲੋੜ ਨਹੀ ਕਿਉਕਿ ਪੰਜਾਬੀ ਨੇਕ ਸਲਾਹ ਤੇ ਬੜੀਛੇਤੀ ਹੀ ਅਮਲ ਕਰ ਲੈਂਦੇ ਹਨ ਸੋ ਸਿਰਫ ਜਰੂਰਤ ਹੈ ਇਨਾਂ ਨੂੰ ਸੁਚੇਤ ਕਰਨ ਦੀ। ਬਾਕੀ ਇਹ ਸਭ ਸਾਂਭ ਲੈਣਗੇ।
++++
page 6
ਹਰ 10 ਸਾਲ ਬਾਅਦ ਮਰਦਮ ਸ਼ੁਮਾਰੀ ਹੁੰਦੀ ਹੈ। 1991 ਦੀ ਜਨਗਣਨਾ ਅਨੁਸਾਰ ਪੰਜਾਬ ਵਿਚ 63% ਸਿੱਖ ਸਨ। ਦਸ ਸਾਲ ਬਾਅਦ 2001 ਵਿਚ ਜਾ ਕੇ ਸਿੱਖ ਸਿਰਫ 60% ਰਹਿ ਗਏ। ਹੁਣ 2011 ਦੀ ਮਰਦਮ ਸ਼ੁਮਾਰੀ ਮੁਤਾਬਿਕ ਤਾਂ ਸਿੱਖਾਂ ਦਾ ਲੱਕ ਹੀ ਟੁੱਟ ਗਿਆ ਹੈ।ਮਰਦਮ ਸ਼ੁਮਾਰੀ ਦੇ ਧਰਮ ਪੱਖੀ ਅੰਕੜੇ ਤਾਂ ਅਜੇ ਜਾਰੀ ਨਹੀ  ਹੋਏ ਪਰ ਪੰਜਾਬ ਦੀ ਕੁਲ ਗਿਣਤੀ ਆ ਚੁੱਕੀ ਹੈ ਜੋ ਦਸਦੀ ਹੈ ਕਿ ਪੰਜਾਬੀ ਸਿਰਫ 13.73% ਵਧੇ ਹਨ। ਇਸ ਤੋਂ ਸਪੱਸ਼ਟ ਹੈ ਕਿ ਸਿੱਖਾਂ ਦਾ ਵਾਧਾ ਤਾਂ ਹੋਰ ਵੀ ਥੱਲੇ ਪਹੁੰਚ ਗਿਆ ਹੋਣਾ ਤੇ ਰੁਝਾਨਾ ਦੇ ਮੱਦੇ ਨਜਰ, ਅੰਦਾਜਾ ਹੈ ਕਿ ਪੰਜਾਬ ਵਿਚ ਹੁਣ ਸਿੱਖ 57% ਤੋ ਵੀ ਘੱਟ ਹੋ ਗਏ ਹਨ। ਕਿਸੇ ਕੌਮ ਦਾ 20 ਸਾਲਾਂ ਵਿਚ 6% ਨਿਸਬਤ ਘੱਟ ਹੋ ਜਾਣ ਦਾ ਮਤਲਬ ਹੈ ਕਿ ਕੌਮ ਛੇਤੀ ਹੀ ਪੰਜਾਬ ਦੇ ਨਕਸ਼ੇ ਤੋਂ ਗਾਇਬ ਹੋ ਜਾਏਗੀ।
ਹੋਰ ਦੇਖੋ, ਅਬਾਦੀ-ਅਸੂਲ ਮੁਤਾਬਿਕ ਜੇ ਕਿਸੇ ਕੌਮ ਵਿਚ ਸਲਾਨਾ ਵਾਧਾ ਦਰ 2.1% ਤੋਂ ਘੱਟ ਜਾਵੇ ਤਾਂ ਓਹ ਕੌਮ ਖਾਤਮੇ ਵਲ ਠੱਲ ਪੈਦੀ ਹੈ। ਸੋ ਅਬਾਦੀ ਨੂੰ ਬਕਰਾਰ ਰੱਖਣ ਵਾਸਤੇ ਘੱਟੋ ਘੱਟ ਇਹ ਦਰ ਜਰੂਰੀ ਹੈ। ਉਂਜ ਸਿੱਖਾਂ ਦਾ ਵਾਧਾ ਦਰ 1971 ਤੋਂ 1991 ਤਕ 2.5 ਰਿਹਾ ਹੈ।2001-ਮਰਦਮ ਸ਼ੁਮਾਰੀ ਅਨੁਸਾਰ ਇਹ ਡਿਗ ਕੇ 1.4% ਤੇ ਪਹੁੰਚ ਗਿਆ। ਐਤਕਾ 2011 ਦੀ ਗਣਨਾ ਤੇ ਵਾਧਾ ਦਰ ਹੋਰ ਥੱਲੇ ਡਿਗ ਕੇ ਅੰਦਾਜਨ 1% ਸਲਾਨਾ ਤੇ ਪਹੁੰਚ ਚੁੱਕਾ ਹੈ।

ਵੱਧਣ ਦਰ ਸਾਰੇ ਪੰਜਾਬੀਆਂ ਦਾ ਘੱਟ ਰਿਹਾ ਹੈ
1981 ਵਿਚ ਸਿੱਖ ਭਾਰਤ ਦੀ ਅਬਾਦੀ ਦਾ ਕੁਲ 2.00% ਸਨ, 1991 ਵਿਚ ਘਟ ਕੇ 1.94 ਹੋ ਗਏ ਤਾਂ 2001 ਵਿਚ ਹੋਰ ਘਟਕੇ 1.90 ਰਹਿ ਗਏ। 2011 ਦੇ ਅੰਕੜੇ ਹੋਰ ਵੀ ਨਿਵਾਣ ਵਲ ਇਸ਼ਾਰਾ ਕਰ ਰਹੇ ਹਨ ਕਿੳੇਕਿ ਪੰਜਾਬ ਦਾ ਵਾਧਾ ਦਰ ਪਿਛੇ ਨਾਲੋ ਬਹੁਤ ਘਟ ਗਿਆ ਹੈ। 2001 ਵਿਚ 20.10 ਤੇ 2011 ਵਿਚ 13.73%. ਸਿੱਖਾਂ ਦਾ ਪੰਜਾਬ ਵਿਚ ਵਾਧਾ ਦਰ 1991 ਵਿਚ 25.18 ਸੀ ਜੋ 2001 ਵਿਚ ਘਟ ਕੇ ਸਿਧਾ ਹੀ 14.19 ਦੇ ਪਹੁੰਚ ਗਿਐ ਜਦੋ ਕਿ 2011 ਵਿਚ ਤਾਂ ਹੋਰ ਵੀ ਥੱਲੇ ਚਲਾ ਗਿਆ ਹੈ ਕਿਉਕਿ ਖੁੱਦ ਪੰਜਾਬ ਦਾ ਵਾਧਾ ਦਰ ਹੀ ਘਟ ਕੇ 13.73% ਰਹਿ ਗਿਆ ਹੈ।
2001 ਮਰਦਮ ਸ਼ੁਮਾਰੀ ਦੇ ਅੰਕੜੇ ਜਦੋ ਐਲਾਨੇ ਗਏ ਓਦੋ ਵੀ ਸਿੱਖ ਹਿਰਦੇ ਤੜਫ ਉਠੇ ਸੀ ਕਿ ਕਿਉਕਿ ਸਿੱਖਾਂ ਦੀ ਵਧਣ ਦਰ 24.32% ਤੋ ਘੱਟ ਕੇ 18.2% ਰਹਿ ਗਈ ਸੀ। ਜਦੋ ਕਿ ਮੁਸਲਮਾਨਾਂ ਦੀ ਵਧਣ ਦਰ 36%, ਹਿੰਦੂਆਂ ਦੀ 20.4%, ਅਤੇ ਈਸਾਈ 22.6% ਸੀ।


ਪਹਿਲੀ ਗਲ ਤਾਂ ਬੱਚੇ ਹੀ ਘੱਟ ਪੈਦਾ ਹੋ ਰਹੇ ਹਨ ਤੇ ਅਗਲੀ ਗਲ ਇਹ ਕਿ ਬੱਚਿਆਂ ਵਿਚ ਧੀਆਂ ਦੀ ਗਿਣਤੀ ਤਾਂ ਖਤਰਨਾਕ ਹੱਦ ਤਕ ਘੱਟ ਹੈ (2001 ਗਣਨਾ) 1000 ਮੁੰਡਿਆ ਪਿਛੇ: ਸਿੱਖ -786, ਹਿੰਦੂ- 925, ਮੁਸਲਮਾਨ-950 ਅਤੇ ਈਸਾਈ 964. 2011 ਦੀ ਮਰਦਮ ਸ਼ੁਮਾਰੀ ਦੇ ਧਰਮ ਦੇ ਮੁਤਾਬਿਕ ਅਜੇ ਗਿਣਤੀ ਆਉਣੀ ਬਾਕੀ ਹੈ ਪਰ ਪੰਜਾਬ ਵਿਚ ਧੀਆਂ ਦੀ ਗਿਣਤੀ ਸਭ ਤੋਂ ਘੱਟ ਦੇਖੀ ਗਈ ਹੈ 1000 ਮੁੰਡਿਆ ਪਿਛੇ:-846. ਜਿਸ ਦਾ ਮਤਲਬ 1000 ਮੁੰਡਿਆਂ ਵਿਚੋ 154 ਛੜੇ ਹੀ ਰਹਿਣਗੇ। ਏਨੀ ਗਿਣਤੀ ਵਿਚ ਜਵਾਨਾਂ ਦਾ ਛੜੇ ਰਹਿਣਾ ਹਾਲਾਤਾਂ ਨੂੰ ਹੋਰ ਵੀ ਗੰਭੀਰ ਬਣਾ ਦਿੰਦਾ ਹੈ। ਸੋ ਜੇ ਪੰਜਾਬੀਆਂ ਨੇ ਇਹਨਾਂ ਹਾਲਾਤਾਂ ਦਾ ਨੋਟਿਸ ਨਾ ਲਿਆ ਤਾਂ ਇਕ ਦਿਨ ਪੰਜਾਬ ਵਿਚ ਹੀ ਪੰਜਾਬੀ ਲੋਕ ਘੱਟ ਗਿਣਤੀ ਵਿਚ ਹੋ ਜਾਣਗੇ।
ਅਸੀਂ ਸਿੱਖ ਲਫ਼ਜ਼ ਇਸ ਕਰਕੇ ਵਰਤਿਆ ਹੈ ਕਿਉਂਕਿ ਸਿੱਖਾਂ ਦੀ ਗਿਣਤੀ ਮਰਦਮ ਸ਼ੁਮਾਰੀ ਵੱਖਰੀ ਹੁੰਦੀ ਹੈ, ਸੋ ਜੇ ਸਿੱਖਾਂ ਦੇ ਰੁਝਾਨ ਸਮਝ ਆ ਗਏ ਤਾਂ ਸਮੁਚੀ ਪੰਜਾਬੀ ਕੌਮ ਦੇ ਰੁਝਾਨਾਂ ਦਾ ਪਤਾ ਲਗ ਜਾਂਦਾ ਹੈ ਕਿਉਕਿ ਜੋ ਸਿੱਖ ਕਰ ਰਹੇ ਹਨ ਪੂਰੀ ਪੰਜਾਬੀ ਕੌਮ ਵੀ ਓਹੋ ਕੁਝ ਕਰ ਰਹੀ ਹੈ। ਸੋ ਸਿੱਖ ਤੋਂ ਭਾਵ ਪੰਜਾਬੀ ਹੀ  ਲਿਆ ਜਾਵੇ।
ਫਿਰ 1947 ਤੋਂ ਬਾਅਦ ਦੇਸ਼ ਵਿਚ ਲੜਕੀਆਂ ਦਾ ਅਨੁਪਾਤ ਲਗਾਤਾਰ ਘਟ ਰਿਹਾ ਸੀ ਪਰ ਪੰਜਾਬ ਵਿਚਵੱਧਦਾ ਜਾ ਰਿਹਾ ਸੀ।ਜਿਵੇ ਹੀ ਸਰਕਾਰ ਨੇ ਪ੍ਰਵਾਰ ਅਯੋਜਨ ਦੀ ਮੁਹਿੰਮ ਨੂੰ ਪ੍ਰਚੰਡ ਕੀਤਾ ਤਾਂ ਪੰਜਾਬੀਆਂ ਨੇ ਬੱਚੇ (ਖਾਸ ਕਰਕੇ ਧੀਆਂ) ਗਰਭ ਵਿਚ ਹੀ ਮਾਰਨੀਆਂ ਸ਼ੁਰੂ ਕਰ ਦਿਤੀਆਂ ਤੇ ਪਿਛਲੇ ਸਾਲਾਂ ਦਾ ਚਲਿਆ ਆ ਰਿਹਾ ਰੁਝਾਨ ਪਲਟ ਦਿਤਾ ਗਿਆ। ਸੋ  1980 ਦੇ ਦਹਾਕੇ ਤੋਂ ਬਾਅਦ ਪੰਜਾਬ ਵਿਚ ਧੀਆਂ ਨੂੰ ਗਰਭ ਵਿਚ ਵੱਡੇ ਪੱਧਰ ਤੇ ਕਤਲ ਕੀਤਾ ਜਾਣਾ ਸ਼ੁਰੂ ਹੋ ਗਿਆ। ਅੱਜ ਪੰਜਾਬ (2011) ਵਿਚ 1000 ਨਰ ਤੇ ਸਿਰਫ 893 ਮਾਦਾ ਹਨ।
ਖਤਰਿਆਂ ਦੇ ਬੱਦਲ ਜੋ ਅਜ ਪੰਜਾਬ ਤੇ ਪੰਜਾਬੀਅਤ ਤੇ ਮੰਡਰਾਂ ਰਹੇ ਹਨ ਉਹ ਕਦੀ ਨਹੀ ਦੇਖੇ ਗਏ। ਮਰਦਮ ਸ਼ੁਮਾਰੀ ਦੇ ਅੰਕੜੇ ਦਸਦੇ ਹਨ ਕਿ 30 ਸਾਲ ਬਾਦ ਪੰਜਾਬ ਅੰਦਰ ਸਿੱਖ ਲੋਕ ਘੱਟ ਗਿਣਤੀ ਵਿਚ ਹੋ ਜਾਣਗੇ ਤੇ ਪੰਜਾਬ ਦੂਸਰਾ ਅਸਾਮ ਬਣ ਜਾਏਗਾ। (ਯਾਦ ਰਹੇ ਅਸਾਮ ਵਿਚ ਬੰਗਾਲੀਆਂ ਦੀ ਆਮਦ ਨਾਲ ਅਸਾਮੀ ਖੁਦ ਘੱਟ ਗਿਣਤੀ ਵਿਚ ਹੋ ਗਏ ਨੇ ਤੇ
++++ 7+++
ਓਥੇ ਓਨਾਂ  ਜੱਦੋ ਜਹਿਦ ਛੇੜੀ ਹੋਈ ਹੈ।)  ਸਿੱਖ ਧਰਮ ਦੇ 500 ਸਾਲਾ ਇਤਹਾਸ ਵਿਚ ਇਹ ਪਹਿਲੀ ਵਾਰ ਹੋਇਆ ਹੈ ਕਿ ਸਿੱਖਾਂ ਦਾ ਗ੍ਰੋਥ ਰੇਟ ਭਾਵ ਵਧਣ ਦਰ ਘਟੀ ਹੈ। ਪੰਜਾਬ ਵਿਚ 1991 ਤੋ 2001 ਦੇ ਅਰਸੇ ਦਰਮਿਆਨ ਸਿੱਖ ਅਬਾਦੀ ਸਿਰਫ 18.2% ਵਧੀ ਹੈ ਜਦੋਂ ਕਿ ਭਾਰਤ ਵਿਚ ਹਿੰਦੂ ਅਬਾਦੀ 20.4% ਵਧੀ ਹੈ। ਜੇ ਇਹੋ ਦਰ ਜਾਰੀ ਰਹੀ ਤਾਂ ਆਪਣੀ ਹੋਮਲੈਂਡ ਪੰਜਾਬ 'ਚ ਵੀ ਸਿੱਖ ਸੰਨ 2041 ਤਕ ਘੱਟ ਗਿਣਤੀ ਵਿਚ ਹੋ ਜਾਣਗੇ।
ਇਸ ਤੋਂ ਇਕ ਹੋਰ ਅੰਦਾਜਾ ਵੀ ਲਾਇਆ ਗਿਆ ਹੈ ਕਿ ਲਗ ਪਗ 50 ਸਾਲਾਂ 'ਚ ਪੰਜਾਬੀ ਲੋਕ ਪੰਜਾਬ ਵਿਚ ਘੱਟ ਗਿਣਤੀ ਵਿਚ ਹੋ ਜਾਣਗੇ ਤੇ ਰਾਜ ਬਾਹਰਲੇ ਲੋਕਾਂ ਬ੍ਹਈਆਂ ਆਦਿ ਦਾ ਹੋ ਜਾਵੇਗਾ। ਸਾਡੇ ਓਹ ਪੰਜਾਬੀ ਵੀਰ ਜਿਹੜੇ ਭੜਕਾਵੇ ਵਿਚ ਆ  ਕੇ ਆਪਣੇ ਸਭਿਆਚਾਰ ਤੇ ਬੋਲੀ ਦਾ ਵਿਰੋਧ ਕਰ ਰਹੇ ਹਨ ਇਨ੍ਹਾਂ ਨੂੰ ਓਦੋ ਠੰਡ ਪਏਗੀ ਤੇ ਓਦੋ  ਹੀ ਅੱਖਾਂ ਖੁਲਣਗੀਆਂ।

ਅੱਜ ਤੋਂ ਪੰਜ ਸਾਲ ਬਾਦ 20% ਪੰਜਾਬੀ ਮੁੰਡੇ ਛੜੇ ਹੀ ਰਿਹਾ ਕਰਨਗੇ।


ਉਪਰੋ ਉਪਰੋਂ ਲੱਗਦਾ ਹੈ ਕਿ ਪੰਜਾਬੀ ਲੋਕ ਬੜੇ ਧਾਰਮਿਕ ਨੇ ਪਰ ਅਸਲ ਵਿਚ ਪਿਛਲੇ 40 ਸਾਲਾਂ ਵਿਚ ਪੰਜਾਬ ਵਿਚ ਸੱਚ ਤੇ ਧਰਮ ਕਮਜੋਰ ਪਏ ਹਨ। ਧਰਮ ਦੇ ਨਾਂ ਤੇ ਨਿਰੀ ਵਖਾਵੇਬਾਜੀ ਤੇ ਪਾਖੰਡ ਰਹਿ ਗਿਆ ਹੈ ਤੇ ਫਿਰ ਕੁਦਰਤ ਦੇ ਕੰਮਾਂ ਵਿਚ ਦਖਲਅੰਦਾਜ਼ੀ ਦੇਣ ਕਰਕੇ ਵੱਡੇ ਸੰਤਾਪ ਭੋਗ ਰਹੇ ਨੇ ਪੰਜਾਬੀ ।ਬਲੱਡ ਪ੍ਰੈਸ਼ਰ ਤੇ ਸ਼ੂਗਰ ਦਾ ਕਾਰਨ ਗੈਰਕੁਦਰਤੀ ਜੀਵਨ ਤੌਰ ਤਰੀਕੇ ਹਨ । ਤੇ ਜੇ ਇਸ ਰੁਝਾਨ ਨੂੰ ਰੋਕਿਆ ਨਾ ਗਿਆ ਤੇ ਹੌਲੀ ਹੌਲੀ ਦੁਨੀਆਂ ਦੀ ਬਹਾਦਰ ਪੰਜਾਬੀ ਕੌਮ ਪੰਜਾਬ ਵਿਚੋਂ ਗਾਇਬ ਹੋ ਜਾਵੇਗੀ ਤੇ ਪੰਜਾਬੀ ਬੋਲੀ ਤੇ ਸਭਿਆਚਾਰ ਮਰ ਮੁੱਕ ਜਾਣਗੇ। ਸਰਕਾਰਾਂ ਦੇ ਪ੍ਰਾਪੇਗੰਡੇ ਦੇ ਅਸਰ ਕਰਕੇ ਪੰਜਾਬੀਆਂ ਜਿਹੜੇ ਬੱਚੇ ਪੈਦਾ ਨਹੀ ਹੋਣ ਦਿਤੇ ਉਹਦੇ ਨਾਲ ਕੌਮ ਦਾ ਨੁਕਸਾਨ ਤਾਂ ਹੋਇਆ ਹੀ ਹੈ ਅੱਗੇ ਪੜੋ ਕਿ ਕਿਵੇ  ਲੋਕਾਂ ਦੀ ਸਿਹਤ ਤੇ ਵੀ ਵੱਡਾ ਅਸਰ ਪਿਆ ਹੈ।
ਸੋ ਅਸੀਂ ਸਮੁੱਚੀ ਪੰਜਾਬੀ ਕੌਮ ਨੂੰ ਅਪੀਲ ਕਰਦੇ ਹਾਂ ਕਿ ਜੇ ਇਸ ਸੰਤਾਪ ਤੋਂ ਬਚਣਾ ਹੈ ਤਾਂ ਬੱਚੇ ਪੈਦਾ ਹੋਣ ਦਿਓ, ਚਾਹੇ 10 ਹੋਣ ਚਾਹੇ ਇਕ।ਵੱਧ ਤੋਂ ਵੱਧ ਬੱਚੇ ਪੈਦਾ ਹੋਣ ਦਿਓ। ਤੁਸੀਂ ਖੁੱਦ ਵੀ ਸੁਖੀ ਹੋ ਜਾਵੋਗੇ, ਤੁਹਾਡੀ ਕੌਮ ਵੀ ਬੱਚ ਜਾਏਗੀ।  ਕਿਉਂਕਿ ਅਸੀਂ ਇਹ ਪ੍ਰਚਾਰ ਪਿਛਲੇ 4 ਸਾਲਾਂ ਤੋਂ ਕਰਦੇ ਆ ਰਹੇ ਹਾਂ ਤੇ ਜਿਸ ਕਰਕੇ ਕਈ ਥਾਂਈ ਭੋਲੇ ਵੀਰਾਂ ਤੇ ਭੈਣਾਂ ਨੇ ਸਾਡਾ ਤਿੱਖਾ ਵਿਰੋਧ ਵੀ ਕੀਤਾ।

ਸੋ ਇਹ ਲੇਖ ਮੁੱਖ ਤੌਰ ਤੇ ਸੱਜਣਾਂ ਦੇ ਕੀਤੇ ਹੇਠ ਲਿਖੇ ਸਵਾਲਾਂ ਦਾ ਜਵਾਬ ਹੀ ਹੈ:-

1.ਪੰਜਾਬੀ ਲੋਕ ਕਦੀ ਵੀ ਪੰਜਾਬ 'ਚ ਘੱਟ ਗਿਣਤੀ 'ਚ ਨਹੀਂ ਹੋ ਸਕਦੇ। ਇਹ ਪ੍ਰਚਾਰ ਹੀ ਗੁਮਰਾਹਕੁੰਨ ਤੇ ਫਜੂਲ ਹੈ।

2.ਦੁਨੀਆਂ ਦੀ ਬਹਾਦਰ ਕੌਮ ਆਖਿਰ ਗਰਕੀ ਕਿਉਂ ?

3.ਗੁਣ ਹੋਣਾ ਚਾਹੀਦਾ ਗਿਣਤੀ ਨਹੀਂ ?

4.ਵੱਧ ਬੱਚੇ: ਅਬਾਦੀ ਵੱਧੇਗੀ। ਅਨਾਜ ਕਿਥੋਂ ਆਵੇਗਾ ?

5.ਅਬਾਦੀ ਵੱਧਣ ਨਾਲ ਨੌਕਰੀਆਂ ਕਿੱਥੋਂ ਆਉਣਗੀਆਂ ? ਬੇਰੁਜਗਾਰੀ ਤਾਂ ਪਹਿਲਾਂ ਹੀ ਬਹੁਤ ਹੈ?

6.ਸਾਡੀ ਜਮੀਨ 3 ਕਿਲ੍ਹੇ ਹੈ, 5 ਬੱਚੇ? ਕਿਵੇਂ ਗੁਜਾਰਾ ਹੋਵੇਗਾ?

7.ਕੁੜੀਆਂ ਦੀ ਗਿਣਤੀ ਜਰੂਰ ਘਟੀ ਹੈ, ਕੁੱਲ ਮਿਲਾ ਕੇ ਕੋਈ ਐਹੋ ਜਿਹਾ ਖਤਰਾ ਨਹੀ।

8.ਦੇਖਦੇ ਨਹੀਂ ਅਬਾਦੀ ਤਾਂ ਪਹਿਲਾਂ ਹੀ ਬਹੁਤ ਹੈ। ਸ਼ਹਿਰਾਂ ਵਿਚ ਬੰਦੇ ਨਾਲ ਬੰਦਾ ਵੱਜ ਰਿਹਾ ਹੈ।

9.ਬੱਚੇ ਵੱਧਣ ਨਾਲ ਮਾਂਪੇ ਸੁਖੀ ਕਿਵੇਂ ਹੋਣਗੇ? ਮਹਿੰਗਾਈ ਤਾਂ ਪਹਿਲਾਂ ਹੀ ਬਹੁਤ ਹੈ।

10.ਜੇ ਕਨੇਡਾ ‘ਚ ਉਂਜਲ ਦੁਸਾਂਝ ਮੁੱਖ ਮੰਤਰੀ ਬਣ ਸਕਦਾ ਹੈ ਤਾਂ ਪੰਜਾਬ ‘ਚ ਬੲ੍ਹੀਆ ਬਣੂ ਤੇ ਕੀ ਆਖ਼ਰ ਆ ਜਾਉ। ਦੇਖੋ ਸਿੱਖ ਮਨਮੋਹਨ ਸਿੰਘ ਅੱਜ ਭਾਰਤ ਦਾ ਪ੍ਰਧਾਨ ਮੰਤਰੀ ਹੈ।

11.ਵਧੀਆ ਜੀਵਨ ਹੋਵੇ, ਨਾ ਕੇ ਗਰੀਬੀ ਤੇ ਭੁੱਖ ਨੰਗ ਹੋਵੇ।

12.ਸਰਕਾਰ ਕਹਿੰਦੀ  ਬੱਚੇ ਘੱਟ ਕਰੋ, ਤੁਸੀਂ ਵੱਧ ਦੱਸ ਰਹੇ ਹੋ।

13.ਤੇ ਫਿਰ ਕਿੰਨੇਂ ਬੱਚੇ ਹੋਣ, 2, 3, 4, 5, 6 ਜਾਂ 7

++++8++++

14.ਜੀ ਸੰਭਵ ਨਹੀ, ਪੜ੍ਹਾਈ ਬਹੁਤ ਮਹਿੰਗੀ ਹੋ ਗਈ ਹੈ?

15.ਮੈਂ ਨਹੀ ਚਾਹਾਂਗਾ ਕਿ ਮੇਰਾ ਬੱਚਾ ਸਰਕਾਰੀ ਸਕੂਲ 'ਚ ਫਟੇ ਹਾਲ ਪੜੇ।

16.ਜੇ ਬਈ੍ਹਏ ਪੰਜਾਬ 'ਚ ਬਹੁਗਿਣਤੀ 'ਚ ਹੋ ਜਾਣਗੇ ਤਾਂ ਕਿਹੜੀ ਆਫਤ ਆ ਜਾਊ?

17.ਜੀ ਬੱਚਾ ਪਾਲਣਾ ਬੜਾ ਔਖਾ ਹੈ, ਅੱਜ ਕਲ੍ਹ।

18.ਤੁਹਾਡੀਆਂ ਗੱਲਾਂ ਤਾਂ ਠੀਕ ਹਨ ਪਰ ਮੇਰਾ ਮੰਨ ਅੰਦਰੋ ਨਹੀ ਮੰਨਦਾ ਕਿ ਅਬਾਦੀ ਵਧੇ

19.ਤੁਸੀ ਠੀਕ ਹੋ। ਮੈਂ ਪ੍ਰਚਾਰ ਵੀ ਕਰਾਂਗਾ, ਪਰ ਮੇਰੀ ਖੁੱਦ ਦੀ ਥੋੜੀ ਮਜਬੂਰੀ ਹੈ।

20.ਜੀ ਮੇਰੇ ਬੱਚੇ ਹੋ ਨਹੀਂ ਰਹੇ, ਮੈਂ ਕੀ ਕਰਾਂ?21.ਜੇ ਇਹ ਗਲ ਸੱਚੀ ਹੈ ਤਾਂ ਅਕਾਲ ਤਖਤ ਦੇ ਜਥੇਦਾਰ ਹੁਕਮਨਾਮਾ ਕਿਓ ਨਹੀ ਜਾਰੀ ਕਰਦੇ?

 

ਹੁਣ ਪੜੋ ਇਨ੍ਹਾਂ ਸਵਾਲਾਂ ਦੇ ਜਵਾਬ

ਵੱਧ ਬੱਚਿਆਂ ਦੇ ਵਿਰੋਧੀ ਹੋਏ ਲਾਜਵਾਬ

1. ਪੰਜਾਬੀ ਲੋਕ ਕਦੀ ਵੀ ਪੰਜਾਬ 'ਚ ਘੱਟ ਗਿਣਤੀ 'ਚ ਨਹੀਂ ਹੋ ਸਕਦੇ। ਇਹ ਪ੍ਰਚਾਰ ਗੁਮਰਾਹਕੁੰਨ ਹੈ।

ਜਵਾਬ:- ਇਹ ਤੁਹਾਡੀ ਬਹੁਤ ਵੱਡੀ ਗਲਤ ਫਹਿਮੀ ਹੈ। ਸਰਕਾਰੀ ਅੰਕੜਿਆਂ ਵਲ ਧਿਆਨ ਦੇਵੋ। ਕੋਈ ਬੇਸਝ ਹੀ ਮਰਦਮ ਸ਼ੁਮਾਰੀ ਦੇ ਅੰਕੜਿਆਂ ਤੋਂ ਬਾਗੀ ਹੋ ਸਕਦਾ ਹੈ। ਆਪਣੇ ਸਮਾਜ ਵਲ ਨਿਗ੍ਹਾ ਤਾਂ ਮਾਰੋ ਕਿਤੇ ਘੱਟ ਹੀ ਕਿਸੇ ਪ੍ਰਵਾਰ ਵਿਚ ਤੀਸਰਾ ਬੱਚਾ ਨਜਰ ਆ ਰਿਹਾ ਹੈ। ਕਈ ਘਰਾਂ ਵਿਚ ਤਾਂ ਇਕ ਇਕ ਮੁੰਡਾ ਹੀ ਹੈ। ਸੋ ਮਰਦਮ ਸ਼ੁਮਾਰੀ ਦੇ ਅੰਕੜਿਆਂ ‘ਚ ਵੱਡੀ ਸਚਾਈ ਛਿਪੀ ਪਈ ਹੈ।
2. ਘੱਟ ਗਿਣਤੀ 'ਚ ਹੋਣ ਦੇ ਕਾਰਨ (ਮੁਖ ਸਵਾਲ)  ਆਖ਼ਿਰ ਕਿਓਂ ਗਰਕੀ ਪੰਜਾਬੀ ਕੌਮ?  (ਮੁੱਖ ਜਵਾਬ- ਹੰਕਾਰਿਆ ਸੋ ਮਾਰਿਆ)
ਪੰਜਾਬੀਆਂ ਦੇ ਗਰਕਣ ਦੇ ਹੇਠਲੇ 5 ਕਾਰਨ ਬਣਦੇ ਹਨ:-

 ੳ. ਮੂਲ ਕਾਰਨ - 

ਧਾਰਮਿਕ ਕਦਰਾਂ ਕੀਮਤਾਂ 'ਚ ਗਿਰਾਵਟ ਅਤੇ ਨਾਸਤਕਵਾਦ/ਕੇਮਿਊਨਿਜ਼ਮ/ਮਾਕਸਵਾਦ ਦਾ ਵਧਿਆ ਪ੍ਰਭਾਵ
 ਅ.ਕਿਰਤ ਦੇ ਸਿਧਾਂਤ ਨੂੰ ਪੰਜਾਬੀਆਂ ਦਿੱਤੀ ਤਿਲਾਂਜਲੀ
 ੲ.ਸਰਕਾਰ ਦਾ ਪ੍ਰਾਪੇਗੰਡਾ ਘੱਟ ਬੱਚੇ ਸੁਖੀ ਮਾਂਪੇ/ਪਰਿਵਾਰ ਨਿਯੋਜਨ
 ਸ.ਕੇਂਦਰ ਖਿਲਾਫ ਬਗਾਵਤ ਵਿਚ ਪੰਜਾਬੀਆਂ ਦੀ ਹਾਰ
 ਹ.ਅਲਟਰਾ ਸਾਊਂਡ ਮਸ਼ੀਨਾਂ ਦੀ ਆਮਦ
 ਕ. ਦਾਜ 
ਖ. ਨਾਮਰਦੀ. (ਨਸ਼ਿਆਂ, ਫਸਲਾਂ ਤੇ ਛਿੜਕੇ ਜ਼ਹਿਰ ਤੇ ਰੇਡੀਏਸ਼ਨ ਕਰਕੇ ਆਈ)

1. ਮੂਲ ਕਾਰਨ - ਧਾਰਮਿਕ ਕਦਰਾਂ ਕੀਮਤਾਂ 'ਚ ਗਿਰਾਵਟ ਅਤੇ ਨਾਸਤਕਵਾਦ ਦਾ ਵਧਿਆ ਪ੍ਰਭਾਵ

'ਪਰਮੇਸਰ ਤੇ ਭੁਲਿਆਂ ਵਿਆਪਨਿ ਸਭੇ ਰੋਗ॥ ਵੇਮੁਖ ਹੋਏ ਰਾਮ ਤੇ ਲਗਨਿ ਜਨਮ ਵਿਜੋਗ॥'
ਅਸੀਂ ਪੰਜਾਬੀਆਂ ਨੇ ਗਰਭ ਵਿਚ ਬੱਚੇ ਨੂੰ ਖਤਮ ਕੀਤਾ ਹੈ ਜਾਂ ਸਾਇੰਸ ਦੇ ਤਰੀਕੇ ਵਰਤ ਕੇ ਗਰਭ ਹੋਣ ਨਹੀਂ ਦਿੱਤਾ। ਜੋ ਅਸਾਂ ਪੰਜਾਬੀਆਂ ਕੀਤਾ ਹੈ ਇਹ ਧਾਰਮਿਕ ਅਪਰਾਧ ਹੈ, ਪਾਪ ਹੈ। ਕੁਦਰਤੀ ਕਾਨੂੰਨ ਦੀ ਉਲੰਘਣਾ ਕੀਤੀ ਹੈ। ਅਜਿਹਾ ਇਸ ਕਰਕੇ ਅਸੀਂ ਕੀਤਾ ਹੈ ਕਿ ਸਾਡਾ ਧਰਮ ਵਿਚ ਭਰੋਸਾ ਪੂਰਾ ਨਹੀਂ। ਅਸਾਂ ਸੋਚਿਆ ਕਿ ਜਿਆਦਾ ਅੰਞਾਂਣੇ ਕੀ ਕਰਨੇ ਨੇ ਇਕ ਦੋ ਹੀ ਰਖਦੇ ਹਾਂ। ਚੰਗਾ ਪੜਾਵਾਂਗੇ, ਚੰਗਾ ਪਾਲਣ-ਪੋਸ਼ਣ ਕਰਾਂਗੇ। ਬੱਚੇ ਨੂੰ ਕਿਤੇ ਟਿਕਾਣੇ ਪਹੁੰਚਾਵਾਂਗੇ, ਐਵੇਂ ਹੇੜ ਕੀ ਕਰਨੀ ਆਂ।
ਅਸਾਂ ਸੋਚਿਆ ਸਾਡੇ ਵਸੀਲੇ ਥੋੜੇ ਨੇ। ਜਮੀਨ ਥੋੜੀ ਆ। ਬੇਰੁਜਗਾਰੀ ਪਹਿਲਾਂ ਹੀ ਬਹੁਤ ਹੈ। ਅੰਞਾਂਣੇ ਵੱਧ ਹੋ ਗਏ ਤੇ ਕੀ ਬਣੂ। ਕਨਾਲ ਕਨਾਲ ਵੀ ਹਿੱਸੇ ਨਹੀ ਆਉਣੀ। ਨਾਸਤਕ ਜੁ ਹੋ ਗਏ, ਕਿਉਕਿ ਧਰਮ ਨੇ ਤਾਂ ਉਂਜ ਇਹ ਗਲ ਪਹਿਲਾਂ ਹੀ ਸਪੱਸ਼ਟ ਕਰ ਰੱਖੀ ਹੈ ਕਿ 'ਸਿਰਿ ਸਿਰਿ ਰਿਜਕੁ ਸੰਬਾਹੇ ਠਾਕੁਰੁ'। ਕੁਦਰਤ ਨੇ ਸਭ ਇੰਤਜਾਮ ਪਹਿਲਾਂ ਹੀ ਕੀਤੇ ਹੋਏ ਹਨ।ਦੁਨੀਆਂ 'ਚ ਅਰਬਾਂ ਖਰਬਾਂ ਕਿਸਮ ਦੇ ਜੀਅ ਪਰ ਹਰ ਇਕ ਦਾ ਜੁਗਾੜ ਪਹਿਲਾਂ ਹੀ ਹਾਜਰ ਹੈ। ਕੀ ਕੀ ਉਦਾਹਰਣਾਂ ਦਿਤੀਆਂ ਜਾਣ..। ਗਹੁ ਨਾਲ ਵਾਚਿਆਂ ਪਤਾ ਲਗਦਾ ਹੈ ਕਿ ਗੁਰਬਾਣੀ ਕਿੰਨੀ ਦੂਰ ਦੀ ਗਲ ਪਹਿਲਾਂ ਹੀ ਕਹਿ ਰਹੀ ਹੈ।

ਪਹਿਲੋ ਦੇ ਤੈਂ ਰਿਜਕੁ ਸਮਾਹਾ॥ ਪਿਛੋ ਦੇ ਤੈਂ ਜੰਤੁ ਉਪਾਹਾ॥

ਭਾਵ ਜੀਅ ਦੇ ਪੈਦਾ ਹੋਣ ਤੋਂ ਪਹਿਲਾ ਉਹਦਾ ਖਾਣਾ ਦਾਣਾ ਆ ਜਾਂਦਾ ਹੈ। ਬੱਚੇ ਦੇ ਆਉਣ ਤੋਂ ਪਹਿਲਾਂ ਉਹਦਾ ਦੁਧ ਆਉਦਾ ਹੈ। ਫਿਰ ਦੇਖੋ ਇਨਸਾਨੀ ਮਾਂ ਤਾਂ ਬੱਚੇ ਦਾ ਮੂੰਹ ਥਣ ਤਕ ਖੜ ਸਕਦੀ ਹੈ ਜਾਨਵਰ ਦੇ ਬੱਚੇ ਨੂੰ ਕੌਣ ਦਸਦਾ ਹੈ ਕਿ ਪਿਛਲੀਆਂ ਲੱਤਾਂ ਵਿਚ ਹਵਾਨਾ ਹੈ ਜਿਥੇ ਥਣ ਹਨ। ਪਰ ਹਥਣੀ ਦੇ ਥਣ ਅਗਲੀਆਂ ਲੱਤਾਂ 'ਚ ਹੁੰਦੇ ਹਨ ਤੇ ਬੱਚੇ ਨੂੰ ਓਨਾਂ ਬਾਰੇ ਕੌਣ ਦਸਦਾ ਹੈ। ਬੰਦਾ 10 ਫੁੱਟ ਤੋਂ ਥੱਲੇ ਡਿੱਗੇ ਤਾਂ ਲੱਤਾਂ ਬਾਹਵਾਂ ਤੁੜਾ ਬਹਿੰਦਾ ਹੈ ਪਰ 15 ਫੁੱਟ ਉਚੀ ਜਰਾਫ (ਣੀ) ਖਲੋ ਕੇ ਬੱਚਾ ਦਿੰਦੀ ਹੈ। ਬੱਚਾ ਘੜੱਪ ਕਰਕੇ ਥੱਲੇ ਡਿਗਦਾ ਹੈ। ਓਨੂੰ ਕੌਣ ਬਚਾਉਦਾ ਹੈ? ਓਦੋਂ ਗੁਰੂਤਾ ਖਿੱਚ ਕਿਥੇ ਚਲੀ ਜਾਂਦੀ ਹੈ। ਦਰ ਅਸਲ ਅਸੀ ਹੰਕਾਰੇ ਗਏ ਹਾਂ। ਗੁਰੂ ਨਾਨਕ ਤਾਂ ਸਾਡੇ ਵਾਸਤੇ ਪ੍ਰਸੰਗੰਕ ਰਹਿ ਹੀ ਨਹੀ ਗਿਆ।ਆਪਣੇ ਆਪ ਨੂੰ ਜਿਆਦਾ ਸਿਆਣਾ ਸਮਝਣ ਲਗ ਗਏ ਹਾਂ।


ਕਹਿਣ ਤੋਂ ਭਾਵ ਕੁਦਰਤ ਨੇ ਜੀਅ ਦੇ ਸਾਰੇ ਇੰਤਜਾਮ ਕੀਤੇ ਹੁੰਦੇ ਹਨ। ਕਦੀ ਕੋਈ ਭੁਖਾ ਮਰਦਾ ਹੈ ਤਾਂ ਬਸ ਅਸੀ ਓਸੇ ਨੂੰ ਧਿਆਨ ਵਿਚ ਰੱਖ ਕੇ ਕਾਦਰ ਤੋਂ ਭਰੋਸਾ ਗਵਾ ਬਹਿੰਦੇ ਹਾਂ। ਇਨਾਂ ਨਹੀ ਸਮਝਦੇ ਕਿ ਇਹ ਉਸ ਦੀ ਖੇਡ ਹੈ, ਵੰਨਗੀ ਹੈ।
ਓਧਰ ਧਰਮ ਕਹਿੰਦਾ ਹੈ ਕਿ ਹਰ ਜੀਅ ਦੀ ਆਪਣੀ ਆਪਣੀ ਕਿਸਮਤ ਹੁੰਦੀ ਹੈ, ਕਿ ਇਕ ਗਰੀਬ ਘਰ ਦਾ ਬੱਚਾ ਵੀ ਉਚੇ ਤੋਂ ਉਚਾ ਅਹੁੱਦਾ ਹਾਸਲ ਕਰ ਸਕਦਾ ਹੈ। ਵੱਡੀ ਤੋਂ ਵੱਡੀ ਵਿਦਿਆ ਲੈ ਸਕਦਾ ਹੈ। ਧਰਮ ਕਹਿੰਦਾ ਹੈ ''ਪ੍ਰਗਟਿਆ ਸਭ ਮਹਿ ਲਿਖਿਆ ਧੁਰ ਕਾ।'' ਭਾਵ ਜਨਮ ਸਮੇਂ ਹੀ ਇਨਸਾਨ ਦਾ ਆਉਣ ਵਾਲਾ ਸਾਰਾ ਜੀਵਨ ਤਹਿ ਹੋ ਗਿਆ ਸੀ।
ਮਾਥੈ ਜੋ ਧੁਰਿ ਲਿਖਿਆ ਸੁ ਮੇਟਿ ਨ ਸਕੈ ਕੋਇ॥ ਨਾਨਕ ਜੋ ਲਿਖਿਆ ਸੋ ਵਰਤਦਾ ਸੋ ਬੂਝੈ ਜਿਸ ਨੋ ਨਦਰਿ ਹੋਇ॥(ਮ:3, ਅੰਗ 1413)
ਸੋ ਧਰਮ ਕਿਸਮਤ ਮੰਨਦਾ ਹੈ ਤੇ ਤਰਕ  ਜਾਂ ਨਾਸਤਕ ਸੋਚ ਇਹ ਕਹਿੰਦੀ ਹੈ ਕਿ ਅਸਾਂ ਹੀ ਆਪਣੀ ਕਿਸਮਤ ਬਣਾਉਣੀ ਹੈ ਬਾਕੀ ਗੱਲਾਂ ਫਜੂਲ ਹਨ। ਇਹ ਲਿਖਾਰੀ ਖੁੱਦ ਵੀ ਕਿਸੇ ਵੇਲੇ ਦੂਸਰੀ ਸੋਚ ਦਾ ਧਾਰਨੀ ਰਿਹਾ ਹੈ। ਪਰ ਅੱਜ ਅੱਖਾਂ ਖੁੱਲ ਗਈਆਂ ਹਨ ਕਿਉਂਕਿ ਖੁੱਦ ਸਾਇੰਸ ਨੇ ਵੀ ਗਲ ਸਾਬਤ ਕਰ ਦਿੱਤੀ ਹੈ ਕਿ ਇਨਸਾਨ ਦਾ ਬਹੁਤਾ ਕੁਝ ਉਦੋਂ ਹੀ ਤਹਿ ਹੋ ਜਾਂਦਾ ਹੈ ਜਦੋਂ ਉਹ ਮਾਂ ਦੇ ਗਰਭ ਵਿਚ ਹੁੰਦਾ ਹੈ। ਜਿਹੜੇ ਲੋਕ ਜੀਵਨ ਸਾਇੰਸ (ਨੂੰਡਿੲ ਸਚਇਨਚੲਸ) ਪੜੇ ਹਨ ਉਨਾਂ ਨੂੰ ਪਤਾ ਹੈ ਕਿ ਜੀਵ ਦਾ ਸਰੀਰ ਕੋਸ਼ਕਾਵਾਂ (ਚੲਲਲਸ) ਦਾ ਬਣਿਆ ਹੈ ਜਿਸ ਵਿਚ ਇਕ ਕੇਂਦਰ (ਨੁਚਲੲੁਸ) ਤੇ ਉਸ ਅੰਦਰ ਕਰੋਮੋਜੋਮ ਹੁੰਦੇ ਹਨ। ਜਿੰਨ੍ਹਾਂ ਤੇ ਫਿਰ ਡੀ.ਐਨ.ਏ. ਦੀਆਂ ਪਉੜੀਆਂ ਹੁੰਦੀਆਂ ਹਨ। ਡੀ.ਐਨ.ਏ. ਦੀ ਗਿਣਤੀ ਅਰਬਾਂ ਖਰਬਾਂ 'ਚ ਹੁੰਦੀ ਹੈ ਤੇ ਹਰ ਡੀ.ਐਨ.ਏ. ਜੀਵਨ ਦੇ ਇਕ ਪੱਖ ਦਾ ਕੋਡ ਜਾਂ ਸੰਕੇਤ ਹੁੰਦਾ ਹੈ। ਪਿਛੇ ਜਿਹੇ ਅੰਮ੍ਰਿਤਸਰ ਵਿਚ ਹੀ ਵਿਗਿਆਨੀਆਂ (ਡਾ. ਦਲਜੀਤ ਸਿੰਘ, ਡਾ ਜੈਰੂਪ ਸਿੰਘ ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ) ਨੇ ਇਕ ਖਾਸ ਡੀ. ਐਨ. ਏ. ਦੀ ਖੋਜ ਕੀਤੀ ਅਤੇ ਜੇ ਉਹ ਕਿਸੇ ਦੇ ਸੈਲ ਵਿਚ ਹੋਏ ਤਾਂ ਅਜਿਹੇ ਵਿਅਕਤੀ ਨੂੰ ਜਵਾਨੀ ਵਿਚ ਹੀ ਮੋਤੀਆ ਬਿੰਦ ਹੋ ਜਾਵੇਗਾ ਭਾਵ ਬੰਦਾ ਅੰਨਾ ਹੋ ਜਾਵੇਗਾ। ਇਸ ਤਰਾਂ ਦੇ ਅਰਬਾ-ਖਰਬਾਂ ਡੀ.ਐਨ.ਏ. ਹੁੰਦੇ ਹਨ ਜੋ ਇਕ ਇਕ ਕਰਕੇ ਜੀਵਨ ਦੇ ਹਰ ਇਕ ਪੱਖ ਨੂੰ ਆਪਣੇ ਅੰਦਰ ਸਮੋਈ ਬੈਠੇ ਹਨ।
ਸਾਡੇ ਜੀਵਨ ਦੀ ਸਾਰੀ ਕਹਾਣੀ ਡੀ.ਐਨ.ਏ. ਰਾਹੀਂ ਪਹਿਲੋ ਹੀ ਲਿਖੀ ਜਾ ਚੁਕੀ ਹੈ। ਅਸੀਂ ਇਸ ਵਿਚ ਬਹੁਤਾ ਹੇਰ ਫੇਰ ਨਹੀਂ ਕਰ ਸਕਦੇ। ਸੋ ਇਸ ਗਲੋਂ ਧਰਮ ਦੀ ਗਲ ਵਿਚ ਵਜ਼ਨ ਜਿਆਦਾ ਹੈ। ਧਰਮ ਜਿਆਦਾ ਸੱਚਾ ਲਗਦਾ ਹੈ। ਸਾਇੰਸ ਉਨ੍ਹਾਂ ਚਿਰ ਕਿਸੇ ਸਿਧਾਂਤ ਦੀ ਵਿਰੋਧਤਾ ਨਹੀਂ ਕਰਦੀ ਜਿੰਨਾਂ ਚਿਰ ਉਸਨੂੰ ਝੂਠ ਸਾਬਤ ਨਾ ਕਰ ਦੇਵੇ। ਨਾਸਤਕਾਂ ਵਿਚ ਵੀ ਕੱਟੜ ਸੋਚ ਵਾਲੇ ਬੰਦੇ ਹੁੰਦੇ ਹਨ ਜੋ ਅਜਿਹੀ ਗਲ ਨੂੰ ਮੰਨਣ ਨੂੰ ਤਿਆਰ ਨਹੀ ਜਿਸ ਦੀ ਪਰਵਾਨਗੀ ਸਾਇੰਸ ਨਾਂ ਦਿਤੀ ਹੋਵੇ। ਓਧਰ ਸਾਇੰਸ ਵਿਚ ਨਿਮਰਤਾ ਹੈ। ਪਰ ਸਾਇੰਸ ਦੀ ਕੋਸ਼ਿਸ਼ ਨਿਰੰਤਰ ਜਾਰੀ ਹੈ। ਜੀਵਨ ਦੇ ਰਹੱਸ ਨੂੰ ਸਮਝਣ ਦੀ। ਜਿਵੇਂ ਅਕਸਰ ਧਰਮੋਂ ਹੌਲਾ ਬੰਦਾ ਕੱਟੜ ਹੋ ਜਾਂਦਾ ਹੈ, ਏਸੇ ਤਰਾਂ ਸਾਡੇ ਕਈ ਵੀਰ ਜੋ ਸਾਇੰਸ ਵਿਚ ਅਜੇ ਹੌਲੇ ਹਨ, ਨੇ ਧਰਮ ਦੀ ਹਜ਼ਾਰਾਂ ਸਾਲ ਪੁਰਾਣੀ ਸੋਚ ਨੂੰ ਤਿਆਗ ਕੇ ਸਾਇੰਸ ਕੱਟੜਪਣ ਅਪਨਾਇਆ ਤੇ ਆਪਣੀ ਪੈਰੀਂ ਕੁਹਾੜਾ ਮਾਰਿਆ ਹੈ।
ਅੱਜ ਪੰਜਾਬੀ ਸਮਾਜ ਤੇ ਇਸ ਤਰਾਂ ਕੱਟੜ ਕਮਿਉਨਿਸਟ ਸੋਚ ਭਾਰੂ ਹੋ ਗਈ ਤੇ ਧਰਮ ਨਿਵਾਣ ਵੱਲ ਚਲਾ ਗਿਆ। ਸਿੱਖ ਧਰਮ ਜੋ ਪੰਜਾਬੀਅਤ ਦੇ ਧਰਮ ਦਾ ਧੁਰਾ ਹੈ ਅੱਜ ਹੱਦ ਦਰਜ਼ੇ ਦਾ ਨੀਵਾਣ ਵਲ ਹੈ।
ਅੱਜ ਪੰਜਾਬ ਵਿਚ ਜਿਹੜੇ ਲੋਕਾਂ ਧਰਮ ਦਾ ਮੁਖੌਟਾ ਪਾਇਆ ਹੋਇਆ ਹੈ ਅੰਦਰੋਂ ਇਨਾਂ ਦਾ ਧਰਮ ਵਿਚ ਵਿਸ਼ਵਾਸ਼ ਨਹੀਂ ਹੈ। ਮਿਸਾਲ ਦੇ ਤੌਰ ਤੇ ਅਕਾਲੀ ਦਲ ਸਿੱਖ ਧਰਮ ਦੀ ਪਾਰਟੀ ਅਖਵਾਉਦੀ ਹੈ। ਅਸੀਂ ਇਕ ਵੇਰਾਂ ਅਕਾਲੀਆਂ ਦੇ ਜਲਸੇ ਵਿਚ ਸਵਾਲ ਪੁਛ ਲਿਆ ਕਿ ਭਾਈ ਜਿੰਨਾਂ ਵੀਰਾਂ ਨੂੰ ਜਪੁਜੀ ਸਾਹਿਬ ਜਬਾਨੀ ਯਾਦ ਹੈ ਹੱਥ ਖੜਾ ਕਰੋ। ਦੁੱਖ ਦੀ ਗੱਲ ਹੈ ਕਿ 500 ਬੰਦਿਆਂ ਵਿਚੋਂ ਸਿਰਫ ਇਕ ਦਾ ਹੀ ਹੱਥ ਖੜਾ ਸੀ।
ਕਿਉਂਕਿ ਪੰਜਾਬੀਆਂ ਦਾ ਧਰਮ ਵਿਚ ਭਰੋਸਾ ਹੌਲਾ ਪੈ ਗਿਆ ਹੈ ਅੱਜ ਇਹ ਗੁਰੂ ਨਾਨਕ ਦੀ ਫਿਲਾਸਫੀ ਨੂੰ ਵੀ ਕਈ ਵੇਰਾਂ ਚੈਲੇਂਜ ਕਰਦੇ ਵੇਖੇ ਗਏ ਹਨ। ਉਦਾਹਰਣ ਦੇ ਤੌਰ ਤੇ ਜਦੋਂ ਗੁਰੂ ਨਾਨਕ ਆਏ ਉਸ ਵੇਲੇ ਜੋਗੀਆਂ ਦਾ ਪੰਜਾਬ ਵਿਚ ਬੜਾ ਜ਼ੋਰ ਸੀ ਤੇ ਗੁਰੂ ਸਾਹਿਬ ਨੇ ਉਨ੍ਹਾਂ ਜੋਗੀਆਂ ਦੀ ਸੋਚ ਨੂੰ ਵਿਅਰੱਥ ਸਾਬਤ ਕੀਤਾ ਤੇ ਗੁਰਬਾਣੀ ਵਿਚ ਥਾਂ ਥਾਂ ਤੇ ਇਹ ਜਿਕਰ ਮਿਲਦੇ ਹਨ।
ਪੰਜਾਬੀਆਂ ਦੀ ਗਿਰਾਵਟ ਦਾ ਆਲਮ ਦੇਖੋ ਅੱਜ ਓਨਾਂ ਹੀ ਜੋਗੀਆਂ (ਜਿਹੜੀ ਸੋਚ ਨੂੰ ਗੁਰੂ ਸਾਹਿਬ ਨੇ ਰੱਦ ਕੀਤਾ ਸੀ) ਦੀ ਫਿਰ ਪੰਜਾਬ ਵਿਚ ਚੜ੍ਹਤ ਹੋ ਰਹੀ ਹੈ ਤੇ ਜੋਗੀ ਸੋਚ ਨੂੰ ਵੱਖ ਵੱਖ ਲਿਬਾਸ ਪੁਆ (ਡੇਰਾ ਬਿਆਸ ਤੇ ਸਿਰਸਾ ਡੇਰਾ ਆਦਿ) ਪੇਸ਼ ਕੀਤਾ ਜਾ ਰਿਹਾ ਹੈ। ਪੰਜਾਬੀ ਲੋਕ ਗੁਰੂ ਨਾਨਕ ਦੇ ਸੱਚ ਦੇ ਰਸਤੇ ਨੂੰ ਛੱਡ ਕੋਈ ਸੌਖਾ ਰਸਤਾ (ਸ਼ਾਰਟ ਕੱਟ) ਲੱਭਣ ਦੀ ਤਾਕ ਵਿਚ ਹਨ।
+++10++++
ਧਰਮ ਵਿਚੋਂ ਤਿਆਗ ਦੀ ਭਾਵਨਾ ਖੰਭ ਲਾ ਕੇ ਉੱਡ ਗਈ ਹੈ। ਪੰਜਾਬ ਵਿਚ ਅੱਜ ਨਕਲੀ ਗੁਰੂਆਂ ਦੀ ਭਰਮਾਰ ਹੋਈ ਪਈ ਹੈ। ਲੋਕ ਵੀ ਖੋਖਲੇ ਤੇ ਇਨਾਂ ਦੇ ਗੁਰੂ ਵੀ ਖੋਖਲੇ। ਝੂਠੇ ਨੂੰ ਝੂਠੇ ਦੀ ਸੰਗਤ ਵਿਚ ਹੀ ਆਨੰਦ ਆਉਂਦਾ ਹੈ। ਪੰਜਾਬ ਵਿਚ 40 ਸਾਲਾਂ ਤੋਂ ਗਰਭ ਵਿਚ ਲੋਕ ਜਾਨਾਂ ਖਤਮ ਕਰ ਰਹੇ ਹਨ ਕਿਸੇ ਗੁਰੂ ਨੇ ਦੁਹਾਈ ਨਹੀਂ ਪਾਈ। ਕਿਉਂਕਿ ਗੁਰੂ ਵੀ ਸਾਡੇ ਵਰਗੇ ਹੀ ਹਨ। ਗੁਰੂ ਜਿੰਨ੍ਹਾਂ ਦੇ ਟਪਣੇ ਚੇਲੇ ਜਾਣ ਛੜੱਪ।

ਧਾਰਮਿਕ ਕਦਰਾਂ ਕੀਮਤਾਂ ਦੀ ਜਿਹੜੀ ਬੇਰੁਹਮਤਖੀ ਹੋਈ ਹੈ, ਧਰਮ ਜੋ ਨਿਵਾਣ ਵੱਲ ਗਿਆ ਉਸੇ ਨਿਵਾਣ ਦੇ ਲੱਛਣ ਸਪਸ਼ੱਟ ਨਜ਼ਰ ਆ ਰਹੇ ਨੇ ਜਿਵੇਂ :-

1.ਸਕੂਲਾਂ/ਕਾਲਜਾਂ ਵਿਚ ਸ਼੍ਰੇਆਮ ਨਕਲ ਮਾਰਨਾਂ ਤੇ ਅਧਿਆਪਕ ਵਰਗ ਨੇ ਜਾਂ ਤਾਂ ਮਦਦ ਕਰਨਾਂ ਜਾਂ ਚੁੱਪ ਰਹਿਣਾ
2. ਸਰਕਾਰੀ ਬਿਜਲੀ ਦੀ ਵੱਡੇ ਪੱਧਰ ਤੇ ਚੋਰੀ ਕਰਨਾ।
3. ਰਿਸ਼ਵਤਖੋਰੀ ਦਾ ਹਰ ਪੱਧਰ ਤੇ ਕਈ ਗੁਣਾਂ ਵਾਧਾ
4. ਦੋਗਲੇਪਣ ਦਾ ਅਤਿਅੰਤ ਭਾਰੂ ਹੋ ਜਾਣਾ।
ਸੋ ਦੂਸਰਾ ਕਾਰਨ ਹੈ ਪੰਜਾਬੀਆਂ ਵਿਚ ਨਾਸਤਕਤਾ ਦਾ ਵਧਣਾ। ਜਿਸਦਾ ਮੂਲ ਕਾਰਨ ਸੀ ਕਮਿਊਨਿਸਟ ਵਿਚਾਰਧਾਰਾ ਦਾ ਫੈਲਾਅ।ਕਮਿਊਨਿਸਟ ਲੋਕ ਕੁਦਰਤੀ ਕਦਰਾਂ ਕੀਮਤਾਂ ਦੀ ਪ੍ਰਵਾਹ ਨਹੀ ਕਰਦੇ ਤੇ ਸਿਰਫ ਆਪਣੇ ਆਪ ਨੂੰ ਹੀ ਸਭ ਕੁਝ ਸਮਝ ਬਹਿਦੇ ਹਨ। ਇਥੋ ਤਕ ਕਿ ਬਾਲ ਬੱਚੇ ਪੈਦਾ ਕਰਨਾਂ ਵੀ ਬੋਝ ਸਮਝਦੇ ਹਨ। ਪ੍ਰਮਾਤਮਾ ਦੀ ਹੋਂਦ ਤੋਂ ਆਕੀ ਇਹ ਲੋਕ ਆਪਣੇ ਆਪ ਨੂੰ ਰਬ ਤੋਂ ਵੱਡਾ ਦਸਦੇ ਹਨ। ਜਿਸ ਕਰਕੇ ਧਾਰਮਿਕ, ਕੁਦਰਤੀ ਤੇ ਸਭਿਆਚਾਰਕ ਕਦਰਾਂ ਕੀਮਤਾਂ ਦੀ ਖਿੱਲੀ ਉਡਾਈ ਗਈ। ਕਾਮਰੇਡ ਬੁਰਾ ਕਰਨ ਲਗਿਆ ਪ੍ਰਵਾਹ ਨਹੀ ਕਰਦੇ ਕਿਉਕਿ ਉਹ ਪਾਪ ਪੁੰਨ  ਨੂੰ ਮੰਨਦੇ ਹੀ ਨਹੀ।
ਇਹ ਸਾਡੀ ਬਦਕਿਸਮਤੀ ਹੈ ਕਿ ਅਸੀ ਧਰਮ ਦੇ ਅਸੂਲਾਂ ਨੂੰ ਅਣਗੋਲਿਆ ਹੈ ਜਿਦਾ ਸਿਧਾਂਤ ਹੈ ਕਿ ਹਰ ਜੀਅ ਦੀ ਕਿਸਮਤ ਉਸ ਦੇ ਪੈਦਾ ਹੋਣ ਵੇਲੇ ਹੀ ਤਹਿ ਹੋ ਜਾਂਦੀ ਹੈ। ਉਦਾਹਰਣ ਵਜੋਂ 1947 'ਚ ਜਦੋਂ ਭਾਰਤ ਅਜਾਦ ਹੋਇਆ ਤਾਂ ਅਬਾਦੀ ਸਿਰਫ 32 ਕ੍ਰੋੜ ਸੀ। ਪਰ ਥਾਂ ਥਾਂ ਭੁੱਖਮਰੀ ਸੀ। ਓਦੋ ਸਰਕਾਰ ਕਦੀ ਅਮਰੀਕਾ ਕੋਲ ਬਗਲੀ ਫੜ ਕੇ ਅਨਾਜ ਲੈਣ ਜਾਂਦੀ ਸੀ ਜਾਂ ਰੂਸ ਕੋਲ। ਅੱਜ ਅਬਾਦੀ 121 ਕਰੋੜ ਹੈ ਤੇ ਭਾਰਤ ਅੰਦਰ ਅਨਾਜ ਦੇ ਭੰਡਾਰ ਭਰੇ ਪਏ ਹਨ। ਸੱਤਰਵੇਂ ਦਹਾਕੇ 'ਚ ਹੀ  ਫਿਰ ਪ੍ਰਵਾਰ ਨਿਯੋਜਨ ਦੀ ਡੌਨੀ ਪਿੱਟੀ ਗਈ। ਤੇ ਉਹ ਵੀ ਪੰਜਾਬ ਵਿਚ ਹੀ ਸਭ ਤੋਂ ਜਿਆਦਾ। ਕਿਉਕਿ ਪੰਜਾਬੀ ਲੋਕ ਬੌਲਦ ਵਾਂਙੂ ਭੋਲੇ ਗਿਣੇ ਗਏ ਹਨ ਤੇ ਬਰੀਕ ਸੋਚ ਘੱਟ ਹੀ ਰਖਦੇ ਹਨ। ਸੁਭਾਵਕ ਹੈ ਕਿ ਇਨ੍ਹਾਂ ਦੇ ਲੀਡਰ ਵੀ ਇਹੋ ਜਿਹੇ ਲੋਹਲੇ ਹੀ ਰਹੇ ਹਨ ਜੋ ਸਮਝ ਹੀ ਨਾਂ ਸਕੇ ਕਿ ਇਸ ਚਾਲ ਦਾ ਨਤੀਜਾ ਕੀ ਨਿਕਲੂ। ਲੀਡਰਾਂ ਨੇ ਕੌਮ ਨੂੰ ਇਨ੍ਹਾਂ ਚਾਲਾਂ ਤੋਂ ਸੁਚੇਤ ਕੀਤਾ ਹੀ ਨਹੀ। ਤੇ ਨਤੀਜਾ ਅੱਜ ਸਾਡੇ ਸਾਹਮਣੇ ਹੈ। ਧਾਰਮਿਕ ਭਾਵਨਾਂ ਜਿਸ ਵਿਚ ਇਨਸਾਨ ਹਲੀਮੀ ਵਿਚ ਆ ਕੇ ਦੂਸਰਿਆਂ ਦੀ ਚਰਨ ਧੂੜ ਬਣਦਾ ਹੈ ਉਹ ਇਥੋ ਗਾਇਬ ਹੋ ਗਈ ਤੇ ਹਊਮੇਧਾਰੀ ਸੋਚ ਸਮਾਜ ਤੇ ਭਾਰੂ ਹੋ ਗਈ।
ਇਸ ਮਜਮੂਨ ਨੂੰ ਅੱਗੇ ਵਿਸਥਾਰ ਨਾਲ ਦੱਸਿਆ ਕਿ ਕਿਵੇਂ ਪੰਜਾਬੀ ਲੋਕਾਂ ਵਿਚ ਅੱਤ ਦਾ ਵਿਖਾਵਾ ਆ ਗਿਆ ਹੈ, ਅੰਦਰੋਂ ਕੁਝ ਤੇ ਬਾਹਰੋਂ ਕੁਝ। ਹਰ ਕੋਈ ਆਪਣੇ ਆਪ ਨੂੰ ਵੱਡਾ ਕਰਕੇ ਪੇਸ਼ ਕਰਨ ਦੀ ਕੋਸ਼ਿਸ਼ ਵਿਚ ਹੈ ਜਿਸ ਕਰਕੇ ਆਪਣੀ ਬੋਲੀ ਅਤੇ ਸਭਿਆਚਾਰ ਦਾ ਵੱਡਾ ਨੁਕਸਾਨ ਕਰ ਰਹੇ ਹਨ ਇਹ। ਇੰਨ੍ਹਾਂ ਕਈ ਮਿਹਨਤ ਦੇ ਕੰਮਾਂ/ ਨੌਕਰੀਆਂ ਨੂੰ ਨੀਵਾਂ ਕਰਾਰ ਦੇ ਦਿਤਾ ਹੈ ਤੇ ਪੰਜਾਬ ਵਿਚ ਅਜਿਹੀਆਂ ਨੀਵੀਆਂ ਨੌਕਰੀਆਂ ਕਰਨ ਤੋਂ ਸ਼ਰਮਾਉਂਦੇ ਹਨ ਤੇ ਬਾਹਰ ਮੁਲਕੀ ਜਾ ਕੇ ਓਥੇ ਓਹੋ ਨੀਵੇ ਕੰਮ ਖੂਬ ਕਰਦੇ ਹਨ।
ਅੱਜ 90% ਮਰਦ ਔਰਤਾਂ ਜਿਨਾਂ ਦੇ ਵਾਲ ਚਿੱਟੇ ਹੋ ਜਾਂਦੇ ਹਨ ਵਾਲਾਂ ਨੂੰ ਰੰਗਦੇ ਹਨ । ਅਸੀਂ ਇਹ ਨਹੀ ਕਹਿਦੇ ਭਈ ਇਹ ਮਾੜਾ ਕੰਮ ਹੈ ਪਰ ਅੱਜ ਤੋਂ 40 ਸਾਲ ਪਹਿਲਾਂ ਇਹ ਰੁਝਾਨ ਬਹੁਤ ਘੱਟ ਸੀ। ਕਿਸੇ ਨੇ ਵਾਲ ਕਾਲੇ ਕੀਤੇ ਹੁੰਦੇ ਤਾਂ ਲੋਕ ਉਨੂੰ ਮਖੌਲ ਕਰਦੇ। ਪਰ ਅੱਜ ਤਾਂ ਹਰ ਕੋਈ ਕਰ ਰਿਹਾ ਹੈ। ਭਾਵ ਪੰਜਾਬੀ ਲੋਕ ਅਸਲੀਅਤ ਦਾ ਸਾਹਮਣਾ ਨਹੀ ਕਰ ਪਾ ਰਹੇ। ਝੂਠ ਵਿਚ ਜੀ ਰਹੇ ਨੇ। ਹਰ ਕੋਈ ਵੱਡਾ (ਮਹਾਨ) ਦਿਸਣ ਦੀ ਤਾਕ ਵਿਚ ਹੈ।ਫਿਰ ਅੱਜ ਦੇਖੋ ਹਰ ਕੋਈ ਟੁੱਟੀ-ਫੁੱਟੀ ਹਿੰਦੀ ਜਾਂ ਅੰਗਰੇਜੀ ਬੋਲਣ ਦੇ ਰੋਂਅ ਵਿਚ ਹੈ: ਦੋਗਲਾਪਣ।
++++++11+++++++

ਅ.ਕਿਰਤ ਦੇ ਸਿਧਾਂਤ ਨੂੰ ਪੰਜਾਬੀਆਂ ਦਿੱਤੀ ਤਿਲਾਂਜਲੀ

ਪੰਜਾਬ ਤਾਂ ਜੀਂਦਾ ਹੀ ਗੁਰਾਂ ਦੇ ਨਾਮ ਤੇ ਸੀ। ਗੁਰੂ ਨੇ ਇਨਾਂ ਨੂੰ ਜੀਵਨ ਜਾਚ ਸਿਖਾਈ, ਜੀਵਨ ਦਾ ਭੇਦ ਸਿਖਾਇਆ ਕਿ ਕਿਵੇ ਦੁੱਖਾਂ ਸੁੱਖਾਂ ਤੋਂ ਉਪਰ ਉਠ ਚੜ੍ਹਦੀ ਕਲ੍ਹਾਂ 'ਚ ਰਹਿਣਾ ਹੈ। ਪੰਜਾਬੀਆਂ ਦੇ ਸਿੱਧੇ ਸਾਦੇ ਸੁਭਾਅ ਅਨੁਸਾਰ ਇਕ ਨੁਕਤਾ ਦੇ ਦਿਤਾ  ਗੁਰੂ ਸਾਹਿਬ ਨੇ ਕਿ 1. ਨਾਮ ਜਪਣਾ, 2. ਕਿਰਤ ਕਰਨਾਂ ਤੇ 3. ਵੰਡ ਛਕਣਾ। ਤੁਸੀ ਉਤੇ ਪੜ੍ਹਿਆ ਹੈ ਕਿ ਕਿਵੇ ਅਜ ਪੰਜਾਬੀਆਂ ਨੂੰ ਨਾਮ ਜਪਣਾ ਭਾਵ ਰੱਬ ਦੀ ਸਿਫਤ ਸਲਾਹ ਕਰਨਾਂ ਵਾਧੂ ਜਿਹਾ ਲਗਣਾ ਸ਼ੁਰੂ ਹੋ ਗਿਆ ਹੈ। ਤੇ ਕਹਿਦੇ "ਲੈ ਇਹ ਵੀ ਕੋਈ ਗਲ ਹੋਈ ਓਹੋ ਸਤਿਨਾਮ ਵਾਹਿਗੁਰੂ ਦੀ ਰੱਟ ਲਾਈ ਜਾਓ" ਜਾਂ "ਰੱਬ ਕੋਈ ਬੋਲਾ ਹੈ"। ਬੜੇ ਮਜੇ ਦੀ ਗਲ ਤੁਹਾਡੇ ਨਾਲ ਸਾਂਝੀ ਕਰਦੇ ਹਾਂ ਕਿ ਕਈ ਡੇਰੇਦਾਰਾਂ ਨੇ ਸ਼੍ਰੇਆਮ ਹੀ ਇਹ ਗਲ ਕਹਿਣੀ ਤੇ ਲਿਖਣੀ ਸ਼ੁਰੂ ਕਰ ਦਿਤੀ ਕਿ ਦੇਖੋ ਜੀ ਸੱਚ ਤੇ ਚਲਣਾ ਅਸੰਭਵ ਹੈ ਇਸ ਕਰਕੇ ਰੱਬ ਦੇ ਰਾਹ ਤੇ ਇਹ ਜਰੂਰੀ ਨਹੀ। ਵਿਗੜੇ ਹੋਏ ਪੰਜਾਬੀ ਏਹੋ ਜਿਹੇ ਡੇਰਿਆਂ ਵਲ ਖਿੱਚੇ ਚਲੇ ਆਏ। ਨਤੀਜਾ ਕੋਈ ਡੇਰਾ ਕਹਿਦਾ ਮੇਰੇ ਸ਼ਰਧਾਲੂ ਇਕ ਕ੍ਰੋੜ ਕੋਈ ਕਹਿਦਾ ਜੀ ਮੇਰੇ ਤਾਂ 2 ਕ੍ਰੋੜ। ਕਈ ਡੇਰਿਆ ਦੇ ਕਾਤਲ ਗੁਰੂ ਤਾਂ ਅੱਜ ਹਕੂਮਤ ਵਾਸਤੇ ਵੀ ਮੁਸੀਬਤ ਬਣੇ ਹੋਏ ਹਨ। ਜਬਰ ਜਨਾਹ ਦੇ ਇਲਜਾਮ ਤਾਂ ਏਨਾਂ ਡੇਰਿਆਂ ਤੇ ਲਗਦੇ ਹੀ ਰਹਿਦੇ ਹਨ। ਮਜੇ ਦੀ ਗਲ ਇਹ ਹੈ ਕਿ ਖੁੱਦ ਸਰਕਾਰਾਂ ਨੇ ਹੀ ਇਨ੍ਹਾਂ ਡੇਰਿਆਂ ਨੂੰ ਸਿੱਖੀ ਖਿਲਾਫ ਵਰਤਣ ਲਈ ਹਵਾ ਦਿਤੀ ਸੀ ਤੇ ਅੱਜ ਏਹੋ ਡੇਰੇ ਸਰਕਾਰ ਦੇ ਗਲ ਪੈ ਰਹੇ ਹਨ; ਬਿੱਲੀ ਨੇ ਸ਼ੀਂਹ ਪੜ੍ਹਾਇਆ ਬਿੱਲੀ ਨੂੰ ਖਾਣ ਆਇਆ।
ਚੜ੍ਹਦੀ ਕਲਾ ਦੇ ਜੀਵਨ ਦਾ ਜਿਹੜਾ ਦੂਜਾ ਰਾਜ ਸੀ ਕਿ ਕਿਰਤ ਕਰਨਾਂ ਉਹ ਕਾਮਰੇਡਾਂ ਨੇ ਛਡਾ ਦਿਤੀ। ਕਾਮਰੇਡ ਵਿਚਾਰਧਾਰਾ ਕਹਿੰਦੀ ਕਿ ਤੁਹਾਡਾ ਮਾਲਕ (Employer) ਤੁਹਾਡਾ ਸ਼ੋਸ਼ਣ ਕਰਦਾ ਹੈ ਤੇ ਆਪ ਮੁਨਾਫਾ ਕਮਾਉਦਾ ਤੁਹਾਨੂੰ ਮੁਨਾਫੇ ਵਿਚ ਹਿੱਸਾ ਨਹੀ ਦਿੰਦਾ। ਕਾਮਰੇਡ ਨੇ ਮਾਲਕ ਖਿਲਾਫ ਨਫਰਤ ਪੈਦਾ ਕਰ ਦਿਤੀ। ਪੰਜਾਬੀਆਂ ਨੇ ਹੋਲੀ ਹੋਲੀ ਕੰਮ ਕਰਨਾਂ ਬੰਦ ਕਰ ਦਿਤਾ ਤੇ ਹੱਡ ਹਰਾਮੀ ਹੋਣੇ ਸ਼ੁਰੂ ਹੋ ਗਏ। ਇਸ ਗਲ ਦਾ ਅਹਿਸਾਸ ਮੈਨੂੰ ਸੰਨ 1990 'ਚ ਹੋਇਆ ਜਦੋ ਅਸਾਂ ਇਕ ਰਾਜ ਮਿਸਤਰੀ ਤੇ ਮਜਦੂਰ ਦਿਹਾੜੀ ਤੇ ਲਾਏ ਤੇ ਸ਼ਾਮੀ ਜਦੋਂ ਦੇਖਿਆ ਤੇ ਉਨਾਂ ਕੱਖ ਭੰਨ ਕੇ ਵੀ ਦੋਹਰਾ ਨਾਂ ਕੀਤਾ। ਅਗਲੇ ਦਿਨ ਫਿਰ ਠੇਕਾ ਕਰ ਲਿਆ ਤਾਂ ਮਹਿਸੂਸ ਹੋਇਆ ਕਿ ਪਹਿਲੇ ਦਿਨ ਓਨਾਂ ਨੇ 8 ਘੰਟਿਆਂ ਵਿਚੋਂ ਸਿਰਫ ਘੰਟਾ ਹੀ ਕੰਮ ਕੀਤਾ। ਅੱਜ ਜਿਦੇ ਨਾਲ ਵੀ ਗਲ ਕਰਕੇ ਦੇਖੋ ਕਹੂਗਾ ਜੀ ਬੲ੍ਹੀਏ ਠੀਕ ਨੇ, ਕੰਮ ਲਗਨ ਨਾਲ ਕਰਦੇ।
ਹੁਣ ਤਕ ਤਾਂ ਪੰਜਾਬੀ ਲੋਕ ਦੁਨੀਆਂ ਦੀ ਸਭ ਤੋਂ ਮਿਹਨਤਕਸ਼ ਕੌਮ ਗਿਣੀ ਗਈ ਸੀ। ਵੇਖੋ ਅੰਗਰੇਜਾਂ ਨੇ ਕਿਵੇ ਪੰਜਾਬੀਆਂ ਦੇ ਮਿਹਨਤਕਸ਼ ਹੋਣ ਦੇ ਥਾਂ ਥਾਂ ਪਰ ਗੁਣ ਗਾਏ ਹੋਏ ਨੇ। ਪਰ ਅੱਜ ਸਾਡੀ ਬਦਕਿਸਮਤੀ ਦੇਖੋ ਪੰਜਾਬੀ ਕਿਰਤ ਤੋਂ ਮੂੰਹ ਫੇਰਨ ਲਗ ਗਿਆ ਹੈ। ਗੁਰੂ ਨਾਨਕ ਦਾ ਧਰਮ ਕਿਰਤ ਕਰਨ ਵਾਲੇ ਨੂੰ ਵਡਿਆਉਦਾ ਹੈ ਤੇ ਪੰਜਾਬੀ ਲੋਕ ਅੱਜ ਕਿਰਤ ਕਰਨ ਵਾਲੇ ਨੂੰ ਨੀਵਾਂ ਗਿਣ ਰਹੇ ਹਨ।
ਧਰਮ ਤੋਂ ਬੇਮੁਖ ਹੋਏ, ਗੁਰਬਾਣੀ ਤੋ ਬੇਮੁਖ ਹੋਏ ਸਮਝਦੇ ਹਨ ਕਿ ਜੀ ਲੰਗਰ ਲਵਾ ਦਿਓ, ਗੁਰਦੁਆਰੇ ਦੀ ਇਮਾਰਤ ਸੋਹਣੀ ਬਣਵਾ ਦਿਓ। ਅਖੇ ਲੋਕ ਸਿੱਖੀ ਨੂੰ ਮੰਨਣ ਮੈਂ ਪੈਸਾ ਦਾਨ ਕਰ ਸਕਦਾ ਹਾਂ ਆਪ ਸਿੱਖੀ ਅਮਲ ਨਹੀ ਕਰ ਸਕਦਾ। ਗੁਰੂ ਵੀ ਫਿਰ ਇਨਾਂ ਨੂੰ ਓਹੋ ਕੁਝ ਦਈ ਜਾਂਦਾ ਹੈ ਜੋ ਇਹ ਦਾਨ ਕਰਦੇ ਹਨ। ਇਨਾਂ ਦੀਆਂ ਕੋਠੀਆਂ ਵੱਡੀਆਂ ਤੇ ਢਿੱਡ ਵੱਡੇ। ਗੁਰਸਿੱਖੋ ਰੱਬ ਦਾ ਖੌਫ ਖਾਓ ਆਪ ਸਿੱਖੀ ਹੰਢਾਓ। ਕਦੀ ਦਾਨ ਕਰਨਾਂ ਹੈ ਤਾਂ ਪ੍ਰਚਾਰ ਕਰੋ। ਗੁਰਬਾਣੀ ਗੁਟਕੇ ਵੰਡੋ, ਸਿੱਖ ਇਤਹਾਸ ਦੀਆਂ ਕਿਤਾਬਾਂ ਵੰਡੋ, ਗੁਰਬਾਣੀ ਦੀਆਂ ਸੀਡੀਆਂ ਵੰਡੋ।  ਨਿਰਾ ਲੰਗਰ ਲਾਉਣ ਨਾਲ ਗਲ ਨਹੀ ਬਣਨੀ। ਜੇ ਸਿੱਖ ਹੀ ਕਮਜੋਰ ਪੈ ਗਏ ਤਾਂ ਸੰਗਮਰਮਰੀ ਇਮਾਰਤਾਂ ਕੀ ਕਰਨਗੀਆਂ। 

ਪੰਜਾਬੀ ਕਿਉਂ ਬੇਰੁਜਗਾਰ ਹਨ ?

ਪੰਜਾਬੀਆਂ ਨੂੰ ਨੌਕਰੀਆਂ ਕਿਉਂ ਨਹੀਂ ਦਿਸ ਰਹੀਆਂ ?

ਸੋ ਪੰਜਾਬ ਵਿਚ 25 ਲੱਖ ਪੋਸਟਾਂ ਖਾਲੀ ਹੋਈਆਂ ਜਿਹੜੀਆਂ ਪੰਜਾਬੀਆਂ ਨੂੰ ਦਿੱਸੀਆ ਹੀ ਨਾਂ ਤੇ ਬੲ੍ਹੀਏ ਬਾਜੀ ਮਾਰ ਗਏ। ਪੰਜਾਬੀਆਂ ਨੂੰ ਇਹ ਨੌਕਰੀਆਂ ਇਸ ਕਰਕੇ ਨਾ ਦਿੱਸੀਆਂ ਕਿਉਂਕਿ ਪੰਜਾਬੀਆਂ ਨੂੰ ਫੇਟਾ ਪੈ ਗਿਆ ਹੈ ਪੰਜਾਬੀ ਲੋਕ ਹੰਕਾਰੇ ਗਏ ਹਨ। ਪੰਜਾਬੀਆਂ ਵਿਚ ਅੱਜ ਦੋਗਲਾਪਨ ਤੇ ਫੁਕਰਾਪਣ ਭਾਰੂ ਹੈ। ਇਹਨਾਂ ਵਿਚ ਫਿਰ ਬ੍ਰਹਮਣਵਾਦ ਭਾਰੂ ਹੋ ਚੁਕਾ ਹੈ। ਇਹ ਗੁਰੂ ਨਾਨਕ ਦੇ ਕਿਰਤ ਦੇ ਧਰਮ ਨੂੰ ਤਿਆਗ ਚੁਕੇ ਹਨ।
ਇਸ ਤਰਾਂ ਹੰਕਾਰੇ ਗਏ ਹਨ ਕਿ ਇੰਨ੍ਹਾਂ ਨੇ ਸਾਰੇ ਕੰਮਾਂ ਕਾਰਾਂ ਦੀਆਂ ਸ਼੍ਰੇਣੀਆਂ ਬਣਾ ਲਈਆਂ ਹਨ। ਫਲਾਣਾ ਕੰਮ ਉੱਚਾ ਤੇ ਫਲਾਣਾ ਨੀਵਾਂ। ਕੁਝ ਕੰਮਾਂ ਨੂੰ ਇਹ ਟੌਹਰ ਵਾਲੇ ਗਿਣਦੇ ਹਨ ਤੇ ਕੁਝ ਨੂੰ ਮਾਮੂਲੀ ਨੀਵੇਂ।
ਟੌਹਰ ਵਾਲੇ ਕੰਮ - ਪੁਲਿਸ, ਸਕੂਲ ਮਾਸਟਰ, ਬਿਜਲੀ ਬੋਰਡ ਦੀ ਮੁਲਾਜਮਤ, ਪਟਵਾਰੀ, ਬਾਹਰਲੇ ਮੁਲਕ ਜਾ ਕੇ ਕੋਈ ਵੀ ਕੰਮ ਕਰਨਾ ਭਾਵੇਂ ਸਫਾਈ ਦਾ ਵੀ ਹੋਵੇ।
ਨੀਵੇਂ ਕੰਮ - ਕਿਸੇ ਦੇ ਘਰ ਕੰਮ ਕਰਨਾ, ਕਿਸੇ ਦੀ ਚੌਂਕੀਦਾਰੀ ਕਰਨੀ, ਕਿਸੇ ਦੇ ਭਾਂਡੇ, ਮਾਂਝਣਾ, ਕਿਸੇ ਦੇ ਬੱਚੇ ਨੂੰ ਸਾਂਭਣਾ, ਕਿਸੇ ਦੇ ਬਜੁਰਗ ਨੂੰ ਸਾਂਭਣਾ, ਕਿਸੇ ਦੇ ਘਰ ਨੂੰ ਸਾਂਭਣਾ, ਰਾਜ ਮਿਸਤਰੀ, ਮਜਦੂਰ, ਸਬਜੀ ਵੇਚਣਾ, ਕਾਰਖਾਨੇ 'ਚ ਕੰਮ, ਡਰਾਇਵਰੀ ਆਦਿ।
ਕਿਉਂਕਿ ਇਹ ਦੋਗਲੇਪਨ (Hipocracy)  'ਚ ਹਨ ਬਾਹਰ ਜਾ ਇੰਗਲੈਂਡ, ਅਮਰੀਕਾ, ਕਨੇਡਾ ਹਰ ਕੰਮ ਕਰ ਸਕਦੇ ਹਨ। ਬਾਹਰ ਜਾ ਕੇ ਇਹ ਕਿਸੇ ਅੰਗਰੇਜ ਦੇ ਭਾਂਡੇ ਵੀ ਮਾਂਝ ਸਕਦੇ ਹਨ। ਟਾਇਲਟ ਸਾਫ ਕਰਦੇ, ਬਾਹਰ ਜਾ ਕੇ ਬਜੁਰਗਾਂ ਨੂੰ ਤਾਂ ਆਮ ਹੀ ਸਾਂਭਦੇ ਹਨ।
ਪਰ ਪੰਜਾਬ ਵਿਚ ਆਪਣਾ ਖੁੱਦ ਦਾ ਝੋਨਾ ਨਹੀਂ ਲਾਉਣਾ। ਜੀ ਸਾਡਾ ਨੱਕ ਨਹੀਂ ਰਹਿੰਦਾ। ਝੋਨਾ ਲਾਉਣ ਦੀ ਤਨਖਾਹ 9000 ਰੁਪਏ ਬਣਦੀ ਹੈ। ਪਰ ਜੀ ਅਸੀਂ ਸਕੂਲ ਮਾਸਟਰ ਬਣ ਸਕਦੇ ਹਾਂ। ਪ੍ਰਾਈਵੇਟ ਸਕੂਲਾਂ ਵਿਚ ਤਨਖਾਹ 2000 ਰੁਪਏ ਮਹੀਨੇ ਲਗਪਗ। ਇੰਨਾਂ ਦੀ ਮੱਤ ਦੇਖੋ ਇਸ ਤਰਾਂ ਮਾਰੀ ਗਈ ਹੈ ਕਿ ਝੌਨਾ ਲਾਉਣ ਤੇ ਬੲ੍ਹੀਆ ਮਹਿੰਗਾ ਰੱਖਦੇ ਹਨ ਤੇ ਆਪ ਸਕੂਲ ਵਿਚ ਸਸਤੀ ਤਨਖਾਹ ਤੇ ਕੰਮ ਕਰਦੇ ਹਨ। ਇਸ ਤਰਾਂ ਗਰਕ ਗਏ ਹਨ।(ਹੰਕਾਰਿਆ ਸੋ ਮਾਰਿਆ)
ਜਿਹੜੀ ਕੌਮ ਕਿਰਤ ਤੋਂ ਸ਼ਰਮਾਅ ਜਾਏ ਮਿਹਨਤ ਨਾ ਕਰੇ ਉਹ ਦੁਨੀਆਂ ਦੇ ਨਕਸ਼ੇ ਤੋਂ ਮਿਟ ਜਾਂਦੀ ਹੈ। ਸੋ ਵੀਰੋ ਤੇ ਭੈਣੋ ਕਿਰਤ ਤੋਂ ਨਾਂ ਸ਼ਰਮਾਓ। ਜੋ ਵੀ ਕੰਮ ਮਿਲੇ ਕਰ ਲਿਆ। ਹੰਕਾਰ ਛੱਡ ਦਿਓ। ਮਿਹਨਤ ਕਰਨ ਵਿਚ ਕੋਈ ਮਿਹਨਾ ਨਹੀਂ ਹੁੰਦਾ। ਗਵਾਂਢ ਵਿਚ ਜੇ ਕੋਈ ਅਮੀਰ ਘਰ ਹੈ ਤਾਂ ਉਨ੍ਹਾਂ ਦਾ ਹੱਥ ਵਟਾਓ। ਇਹ ਹਦਾਇਤ ਖਾਸ ਕਰਕੇ ਧੀਆਂ ਵਾਸਤੇ ਹੈ। ਵੇਹਲੇ ਨਹੀਂ ਬਹਿਣਾ। ਤੁਹਾਡੇ ਪਿੰਡ ਵਿਚ ਆ ਕੇ ਜੋ ਬੲ੍ਹੀਆ ਕੰਮ ਕਰ ਰਿਹਾ ਹੈ ਉਹ ਤੁਸੀਂ ਆਪ ਕਰੋ। ਮੁਫ਼ਤ ਨਹੀਂ ਪੈਸੇ ਲਓ, ਅਗਲੇ ਕੋਲੋ।ਪੜੇ ਲਿਖੇ ਲੋਕ ਆਪ ਕੰਮ ਕਰਕੇ ਮਿਸਾਲ ਪੈਦਾ ਕਰਨ। ਬਾਕੀ ਲੋਕ ਦੇਖਣਾ ਆਪਣੇ ਆਪ ਕੰਮ ਕਰਨਾਂ ਸ਼ੁਰੂ ਕਰ ਦੇਣਗੇ।

ੲ.ਸਰਕਾਰੀ ਪ੍ਰਾਪੇਗੰਡਾ:  ਪ੍ਰਵਾਰ ਆਯੋਜਨ

ਵਿਦਵਾਨ ਤੇ ਮਨੋਚਕਿਤਸਕ ਅੱਜ ਇਸ ਨਤੀਜੇ ਤੇ ਪ੍ਚੇ ਹਨ ਕਿ ਕੁੜੀਆਂ ਦਾ ਮਾਰਨਾਂ ਸਿੱਧੇ ਤੌਰ ਤੇ ਪ੍ਰਵਾਰ ਨਿਯੋਜਨ ਦੇ ਸਿਧਾਂਤ ਦੇ ਪ੍ਰਚਾਰ ਕਰਕੇ ਹੋਇਆ ਏ।
ਸਰਕਾਰ ਦਾ ਫੈਮਲੀ ਪਲੈਨਿੰਗ ਪ੍ਰਚਾਰ ਪੰਜਾਬ ਵਿਚ ਹੱਦ ਬੰਨ੍ਹੇਂ ਟੱਪ ਗਿਆ। ਰੇਡੀਓ, ਟੀ.ਵੀ, ਅਖ਼ਬਾਰਾਂ, ਫ਼ਿਲਮਾਂ ਨੇ ਇਸ ਤੇ ਪੂਰਾ ਜ਼ੋਰ ਲਾ ਦਿੱਤਾ। ਆਰਾਮ ਪਸੰਦ ਹੋ ਚੁੱਕੀ ਭੋਲੀ ਕੌਮ ਨੇ ਇਸ ਸਕੀਮ ਨੂੰ ਹੱਥਾਂ ਤੇ ਚੁੱਕ ਲਿਆ। ਭਾਰਤ ਦੇ ਹੋਰ ਕਿਸੇ ਵੀ ਤੱਬਕੇ ਨੇ ਇਸ ਪ੍ਰੋਗਰਾਮ ਨੂੰ ਏਨ੍ਹਾਂ ਨਾ ਅਪਣਾਇਆ ਜਿੰਨ੍ਹਾਂ ਪੰਜਾਬੀਆਂ ।
ਇਹ ਹਰੇ ਇਨਕਲਾਬ ਕਰਕੇ ਹੋਇਆ- 60ਵੇਂ ਦਹਾਕੇ ‘ਚ ਪੰਜਾਬ ‘ਚ ਖੇਤੀ ਬਾੜੀ ਇਨਕਲਾਬ ਆਇਆ। ਪ੍ਰਚਾਰ ਹੋਇਆ ਲੋਕਾਂ ਨਵੀਆਂ ਜਿਣਸਾਂ, ਖਾਦਾਂ, ਨਵੇ ਸੰਦਾਂ, ਕੀੜੇ ਮਾਰ ਦਵਾਈਆਂ ਦੀ ਖੁੱਲ ਕੇ ਵਰਤੋਂ ਕੀਤੀ ਤੇ ਭਾਰਤੀ ਸੂਬਿਆਂ ਵਿਚ ਪੰਜਾਬ ਮੋਹਰੀ ਸੂਬਾ ਬਣ ਗਿਆ ਤੇ ਮੰਨਿਆ ਗਿਆ ਕਿ ਪੰਜਾਬੀ ਕਿਸਾਨ ਰੂੜੀਵਾਦੀ ਨਹੀ ਹੈ ਤੇ ਪ੍ਰਵਰਤਨ ਨੂੰ ਅਪਣਾਉਣ ਨੂੰ ਤਿਆਰ ਹੈ। ਪੰਜਾਬੀ ਕਿਸਾਨ ਦੀ ਪੂਰੀ ਦੁਨੀਆਂ ‘ਚ ਸ਼ਲਾਘਾ ਹੋਈ।
ਪੰਜਾਬੀਆਂ ਦੇ ਦਿਲੋ ਦਿਮਾਗ ਵਿਚ ਇਹ ਗਲ ਬਹਿ ਗਈ ਕਿ ਸਰਕਾਰ ਜੋ ਵੀ ਤਬਦੀਲੀ ਦਾ ਐਲਾਨ ਕਰਦੀ ਹੈ ਓਹ ਜਨਤਕ ਹਿੱਤ ਤੇ  ਭਲਾਈ ਲਈ ਹੀ ਹੁੰਦੀ ਹੈ। ਭਾਵ ਲੋਕਾਂ ਦੇ ਮਨਾਂ ਵਿਚ ਸਰਕਾਰੀ ਵਿਗਿਆਨਕ ਪਹੁੰਚ ਬਾਬਤ ਸਤਿਕਾਰ ਪੈਦਾ ਹੋ ਚੁੱਕਾ ਸੀ। ਸੋ ਫਿਰ ਜਦੋਂ ਸਰਕਾਰ ਨੇ ਕਿਹਾ ਕਿ ਵੱਧ ਅਬਾਦੀ ‘ਚ ਨੌਕਰੀਆਂ ਮਿਲਣੀਆਂ ਅਸੰਭਵ ਨੇ, ਲੋਕਾਂ ਨੂੰ ਵੀ ਦਲੀਲ ਜਚੀ ਤੇ ਸਰਕਾਰੀ ਸਲਾਹ ਤੇ ਲੋਕਾਂ ਫੁਲ ਚੜ੍ਹਾਂ ਸਮੂਹਿਕ ਆਤਮ ਹਤਿਆ ਦਾ ਰਾਹ ਖੋਲ ਦਿਤਾ। ਸੋਚਿਆ ਹੀ ਨਾਂ ਕਿ ਇਸ ਵਿਚ ਸਾਜਿਸ਼ ਭਰੀ ਪਈ ਏ।

ਇਕ ਸਾਬਕਾ ਅਫਸਰ ਨੇ ਲਿਖਿਆ ਕਿ ਕੇਂਦਰ ਸਾਜਿਸ਼ ਤਹਿਤ ਪੰਜਾਬੀਆਂ ਨੂੰ ਖਤਮ ਕਰਨਾ ਲੋੜਦਾ ਹੈ।

ਭਾਰਤ ਸਰਕਾਰ ਦੇ ਇਕ ਸਾਬਕਾ ਸੀਨੀਅਰ ਇੰਟੈਲੀਜੈਂਸ ਅਫਸਰ ਸੰਗਤ ਸਿੰਘ ਜੋ ਕਿ ਸਰਕਾਰੀ ਨੀਤੀ ਘੜਨ ਵਾਲਿਆਂ ਵਿਚ ਸੀ, ਨੇ ਆਪਣੀ ਕਿਤਾਬ ਇਤਹਾਸ ਵਿਚ ਸਿੱਖ ਵਿਚ ਲਿਖਿਆ ਹੈ ਕਿ ਇੰਦਰਾ ਗਾਂਧੀ ਦੀ ਸਰਕਾਰ ਨੇ ਸਿੱਖਾਂ ਨੂੰ ਖਤਮ ਕਰਨ ਜਾਂ ਨੁਕਸਾਨ ਪਹੁੰਚਾਉਣ ਦੀਆਂ ਕਈ ਸਾਜਿਸ਼ਾਂ ਘੜੀਆਂ। ਪ੍ਰਵਾਰ ਅਯੋਜਨ ਉਨ੍ਹਾਂ ਸਾਜਿਸ਼ਾਂ ਵਿਚੋਂ ਇਕ ਹੈ।
ਪੰਜਾਬ ਵਿਚ ਸਿੱਖ ਤੇ ਗੈਰ ਸਿੱਖ ਦੋਨੋਂ ਹਨ। ਓਧਰ ਦਿੱਲੀ ਕੇਂਦਰ ਪੰਜਾਬ ਦੇ ਗੈਰ ਸਿੱਖਾਂ ਨੂੰ ਵੀ ਸਿੱਖ ਹੀ ਮੰਨਦਾ ਹੈ ਕਿਉਂਕਿ ਕੇਂਦਰ ਦਾ ਕਹਿਣਾ ਹੈ ਕਿ ਪੰਜਾਬ ਦੇ ਮਸਲਿਆਂ ਤੇ ਸਾਰੇ ਪੰਜਾਬੀ ਇਕ ਹੋ ਜਾਂਦੇ ਹਨ ਜਿਵੇਂ ਕਿ 1980 ਦੇ ਦਹਾਕੇ ਵਿਚ ਦੇਖਿਆ ਗਿਆ ਸੀ। ਹਾਂ ਪੰਜਾਬ ਦੇ ਆਰੀਆ ਸਮਾਜੀ ਕੁਝ ਬ੍ਰਹਮਣ ਬਣੀਏ ਤੇ ਬੲ੍ਹੀਏ ਜਰੂਰ ਕੇਂਦਰ ਦੀ ਹਮਾਇਤ ਕਰਦੇ ਹਨ, ਪਰ ਦਿੱਲੀ ਸੋਚਦੀ ਹੈ ਕਿ ਆਟੇ ਨਾਲ ਜੇ ਘੁੱਣ ਪੀਸਦਾ ਹੈ ਤਾਂ ਪੀਸਣ ਦਿਓ ਤੇ ਬਰਦਾਸ਼ਤ ਕਰੋ।
ਸੋ ਜੇ ਸੰਗਤ ਸਿੰਘ ਦੀ ਗੱਲ ਮੰਨੋਂ ਤਾਂ ਕੇਂਦਰ ਨੇ ਇਹ ਸਾਰਾ ਕੁਝ ਜਾਣ ਬੁਝ, ਸੋਚ ਸਮਝ ਕੇ ਨੀਤੀ ਅਧੀਨ ਕੀਤਾ ਹੈ। ਸੰਗਤ ਸਿੰਘ ਦਾ ਕਹਿਣਾ ਹੈ ਕਿ ਨਸ਼ੇ ਵੀ ਪੰਜਾਬ ਵਿਚ ਨੀਤੀ ਤਹਿਤ ਹੀ ਵਰਤਾਏ ਜਾ ਰਹੇ ਹਨ। ਰੱਬ ਕਰੇ ਇਹ ਇਲਜਾਮ ਗਲਤ ਹੋਵੇ ਪਰ ਸਾਨੂੰ ਇਹ ਨਹੀਂ ਭੁਲਣਾ ਚਾਹੀਦਾ ਕਿ ਸੰਗਤ ਸਿੰਘ
+++++13++++++
ਸਰਕਾਰੀ ਨੀਤੀ ਘੜਣੀ ਸਭਾ (Think Tank) ਦਾ ਮੈਂਬਰ ਰਿਹਾ ਹੈ। ਫਿਰ ਕੇਂਦਰ ਦਾ ਪੰਜਾਬ ਨਾਲ ਵਿਤਕਰਾ ਤਾਂ ਜੱਗ ਜ਼ਾਹਰ ਹੋ ਚੁਕਾ ਹੈ। ਜਿਵੇਂ ਪੰਜਾਬ ਦੇ ਕਾਰਖਾਨਿਆਂ ਨੂੰ ਬਾਹਰ ਕਢਣਾ, ਪਾਣੀਆਂ ਤੇ ਡਾਕਾ ਆਦਿ ਆਦਿ। ਸੋ ਇਹ ਲਿਖਾਰੀ ਵੀ ਸੰਗਤ ਸਿੰਘ ਦੀ ਸੋਚ ਦੀ ਹਮਾਇਤ ਕਰਦਾ ਹੈ। ਸੋ ਇਸ ਮਸਲੇ ਤੇ ਕਸੂਰ ਸਰਕਾਰ ਦਾ ਏ।

ਭਾਰਤ ਵਿਚ ਅਜਾਦੀ ਪਿਛੋ ਕੁੜੀਆਂ ਦਾ ਅਨੁਪਾਤ ਲਗਾਤਾਰ ਡਿਗਦਾ ਜਾ ਰਿਹਾ ਸੀ ਪਰ ਪੰਜਾਬ ‘ਚ ਲਗਾਤਾਰ ਵਧ ਰਿਹਾ ਸੀ। ਪਰ ਬਦਕਿਸਮਤੀ ਕਿ ਭਾਰਤ ਸਰਕਾਰ ਨੇ ਪੰਜਾਬ ਵਿਚ ਕੁੜੀਆਂ ਖਿਲਾਫ ਪ੍ਰਾਪੇਗੰਡਾ ਕੀਤਾ ਕਿ ਕਿਵੇ ਕੁੜੀ ਪੈਦਾ ਹੋਣ ਤੇ ਬੋਝ ਪੈਦਾ ਹੈ ਦਾਜ ਆਦਿ ਦਾ। ਪੰਜਾਬੀਆਂ ਫਿਰ ਧੜਾ ਧੜ ਕੁੜੀਆਂ ਕੁਖ ਵਿਚ ਮਾਰਨੀਆਂ ਸ਼ੁਰੂ ਕਰ ਦਿਤੀਆਂ। ਇਸ ਗਰਾਫ ਤੋਂ ਸਪੱਸ਼ਟ ਹੋ ਜਾਂਦਾ ਹੈ ਕਿ ਪੰਜਾਬ ਵਿਚ ਜੋ ਹੋਇਆ ਉਹ ਸਰਕਾਰੀ ਸਾਜਿਸ਼ ਸੀ।

ਸ.ਖਾਲਿਸਤਾਨੀ ਬਗਾਵਤ ਦਾ ਕੁਚਲੇ ਜਾਣਾ

ਵਿਦਵਾਨ ਲੋਕਾਂ ਦਾ ਮੰਨਣਾ ਹੈ ਕਿ ਜਦੋਂ ਕੋਈ ਕੌਮ ਯੁੱਧ ਵਿਚ  ਹਾਰ ਜਾਂਦੀ ਹੈ ਤਾਂ ਉਨ੍ਹਾਂ ਵਿਚ ਨਿਰਾਸ਼ਾਵਾਦ ਦੀ ਲਹਿਰ ਉਠਦੀ ਹੈ ਜਿਸ ਕਰਕੇ ਹਾਰੀ ਕੌਮ ਨੂੰ ਆਪਣੇ ਸਮਾਜ ਦੀਆਂ ਕਦਰਾਂ ਕੀਮਤਾਂ ਨਿਗੂਣੀਆਂ ਲੱਗਣ ਲਗਦੀਆਂ ਹਨ। ਪੰਜਾਬੀਆਂ ਦੇ ਗਰਕਣ ਦਾ ਇਹ ਵੀ ਇਕ ਕਾਰਨ ਹੈ (Wave of demoralisation & Frustration)
ਇਕ ਬਜੁਰਗ ਅੰਗਰੇਜ ਲਿਖਾਰੀ ਨੋਲ ਕਿੰਗ ਨੇ ਸਿੱਖਾਂ ਬਾਬਤ ਲਿਖਿਆ ਹੈ ਕਿ ਇਤਹਾਸ ਵਿਚ ਕਈ ਮੌਕੇ ਆਏ ਜਦੋਂ ਸਿੱਖ ਤਾਕਤ ਇਕ ਦਮ ਜਮੀਨ ਤੇ ਆ ਜਾਂਦੀ ਹੈ ਤੇ ਫਿਰ ਬੜੇ ਅਸਚਰਜ ਤਰੀਕੇ ਨਾਲ ਉੱਠ ਖਲੌਂਦੀ ਹੈ। ਕਈ ਵਿਦਵਾਨਾਂ ਨੇ ਤਾਂ ਹਾਸੋਹੀਣੀਆਂ ਉਦਾਹਰਣਾਂ ਵੀ ਦਿੱਤੀਆਂ ਹਨ। ਕਈ ਕਹਿੰਦੇ ਹਨ ਇਹ ਸਿੱਖ ਲੋਕ ਖੋਰੀ (ਕੱਖ ਕਾਨ) ਦੀ ਅੱਗ ਦੀ ਨਿਆਈ ਹਨ। ਇੰਨ੍ਹਾਂ ਦਾ ਭੰਬਾਕਾ ਪਇੰਦਾ ਹੈ। ਤੇ ਅੱਗ ਝੱਟ ਬਸ ਹੋ ਜਾਂਦੀ ਹੈ। ਇਹ ਧੁਖਦੇ ਨਹੀਂ ਰਹਿ ਸਕਦੇ।ਫਿਰ ਕਈ ਇਤਿਹਾਸਕਾਰਾਂ ਨੇ ਸਿੱਖਾਂ ਨੂੰ ਫੀਨਕਸ ਬਾਜ਼ ਲਿਖਿਆ ਹੈ। ਇਸ ਬਾਜ ਬਾਰੇ ਮਸ਼ਹੂਰ ਹੈ ਕਿ ਇਹ ਸੜ੍ਹ ਕੇ ਸੁਆਹ ਹੋ ਕੇ ਫਿਰ ਉਠ ਪੈਂਦੇ ਹਨ।
ਸੋ ਪੰਜਾਬੀਆਂ ਵਿਚ ਜੋ ਗਿਰਾਵਟ ਆਈ ਹੈ ਇਹ ਥੋੜੇ ਸਮੇਂ ਵਾਸਤੇ ਭਾਵ ਵਕਤੀ ਹੈ। ਬਸ ਇਸ ਬਹਾਦਰ ਕੌਮ ਨੂੰ ਚੁਕੰਨੇ ਕਰ ਦਿਓ ਬਾਕੀ ਇਹ ਆਪੇ ਵੇਖ ਲੈਦੇ ਹਨ।

ਹ.ਅਲਟਰਾ ਸਾਊਂਡ ਮਸ਼ੀਨ ਦੀ ਆਮਦ

ਬੱਚੇ ਨੂੰ ਗਰਭ ਵਿਚ ਮਾਰ ਮੁਕਾਉਣ ਦਾ ਕੰਮ ਬਦਕਿਸਮਤੀ ਨਾਲ ਅੰਮ੍ਰਿਤਸਰ ਤੋਂ ਹੀ ਸ਼ੁਰੂ ਹੋਇਆ 70ਵੇਂ ਦਹਾਕੇ ਦੇ ਅਖੀਰ ਵਿਚ ਹੀ  ਮੋਨੀ ਚੌਕ, ਹਾਥੀ ਗੇਟ, ਅੰਮ੍ਰਿਤਸਰ ਦੇ ਇਕ ਲੇਡੀ ਡਾਕਟਰ ਨੇ ਅਮੀਨਿਓਟਿਕ ਫਲੂਡ Amniotic fluid ਤੋਂ ਬੱਚੇ ਦਾ ਲਿੰਗ ਪਛਾਨਣਾ ਸ਼ੁਰੂ ਕਰ ਦਿੱਤਾ ਤੇ ਧੀਆਂ ਨੂੰ ਧੜਾ-ਧੜ ਗਰਭ 'ਚ ਖਤਮ ਕਰਨਾ ਸ਼ੁਰੂ ਹੋ ਗਿਆ। ਇਲਾਕੇ ਦੇ ਸਫਾਈ ਮੁਲਾਜਮਾਂ ਮੁਨਿਸਪਲ ਕਮੇਟੀ ਕੋਲ ਸ਼ਕਾਇਤ ਕੀਤੀ ਕਿ ਡਾਕਟਰ ਸਾਹਿਬਾ ਗਰਭ ਡੇਗ ਕੇ ਗੰਦੀ ਨਾਲੀ ਵਿਚ ਸੁਟੀਜਾ ਰਹੀ ਹੈ। ਸਰਦਾਰਾ ਸਿੰਘ, ਮਿਊਨਿਸਪਲ ਕਮਿਸ਼ਨਰ (ਬਾਦ ਡਿਪੁਟੀ ਕਮਿਸ਼ਨਰ ਅੰਮ੍ਰਿਤਸਰ) ਨੇ ਕਾਨੂੰਨੀ ਕਾਰਵਾਈ ਡਾਕਟਰ ਦੇ ਖਿਲਾਫ ਸ਼ੁਰੂ ਕਰ ਦਿਤੀ। ਪਰ ਵਿਚਾਰਾ ਡੀ.ਸੀ ਚੁੱਪ ਕਰ ਗਿਆ ਜਦੋਂ ਉਤੋ ਡੀ.ਸੀ ਆਪਟੇ ਗਵਰਨਰ ਪੰਜਾਬ ਦਾ ਫੋਨ ਆ ਗਿਆ,  “ਭਈ ਵੋਹ ਪ੍ਰਵਾਰ ਨਿਯੋਜਨ ਮੈਂ ਡਾਕਟਰ ਸਹਾਈ ਹੈ ਓਸੇ ਤੰਗ ਮਤ ਕਰੋ।”
ਸਰਕਾਰ ਨੇ ਪ੍ਰਵਾਰ ਅਯੋਜਨ ਪ੍ਰਾਪੇਗੰਡਾ ਪ੍ਰਚੰਡ ਕੀਤਾ ਹੋਇਆ ਸੀ। ਗਰਭ ਡੇਗਣ ਦੀ ਮੰਗ ਵਧ ਰਹੀ ਸੀ। ਦਸੰਬਰ 1982 'ਚ ਚੰਡੀਗੜ੍ਹ 17 ਸੈਕਟਰ ਦੇ ਇਕ ਡਾਕਟਰ ਨੇ ਫਿਰ ਅਲਟਰਾਸਾਊਡ ਮਸ਼ੀਨ ਜਰਮਨ ਤੋਂ ਬਰਾਮਦ ਕਰ ਲਈ। ਡਾਕਟਰ ਦੇ ਲਾਈਨਾਂ ਲਗ ਗਈਆਂ। ਬਾਅਦ ਵਿਚ ਇਸ ਦੀ ਮੰਗ ਨੂੰ ਦੇਖਦੇ ਹੋਏ ਲਾਰੇਂਸ ਰੋਡ, ਅੰਮ੍ਰਿਤਸਰ ਦੇ ਇਕ ਡਾਕਟਰ ਨੇ ਵੀ ਅਲਟਰਾਸਾਉਂਡ ਮਸ਼ੀਨ ਮੰਗਵਾ ਲਈ ਤੇ ਕੰਮ ਵੱਡੇ ਪੈਮਾਨੇ ਤੇ ਬੱਚਿਆਂ ਦਾ ਕਤਲਾਮ ਗਰਭ ਵਿਚ ਸ਼ੁਰੂ ਹੋ ਗਿਆ ਤੇ ਝੱਟ ਪੱਟ ਬਾਕੀ ਦੇ ਸ਼ਹਿਰਾਂ ਵੱਲ ਵੀ ਫੈਲ ਗਿਆ।
ਸਰਕਾਰ ਨੇ ਗਰਭਪਾਤ ਕਰਨ ਨੂੰ ਕਾਨੂੰਨੀ ਰੱਖਿਆ ਵੀ ਪ੍ਰਦਾਨ ਕਰ ਦਿੱਤੀ। ਭਾਵ ਗਰਭ ਨੂੰ ਖਤਮ ਕਰਨਾਂ ਸਰਕਾਰ ਨੇ ਮਨਜੂਰ ਹੀ ਕਰ ਦਿਤਾ। ਓਧਰ ਪ੍ਰਵਾਰ ਆਯੋਜਨ ਦਾ ਸਰਕਾਰੀ ਪ੍ਰਾਪੋਗੰਡਾ ਸਿੱਖਰ ਤੇ ਸੀ ਤੇ ਨਾਲ ਹੀ ਦਾਜ ਬਾਬਤ ਟੀ.ਵੀ. ਤੇ ਰੇਡੀਓ ਤੇ ਪ੍ਰਾਪੇਗੰਡਾ ਚਲ ਰਿਹਾ ਸੀ। ਨਤੀਜਾ ਅੱਜ ਤੁਹਾਡੇ ਸਭ ਦੇ ਸਾਹਮਣੇ ਹੈ। ਦੁਨੀਆਂ ਦੀ ਬਹਾਦਰ ਕੌਮ ਨੇ ਆਪਣੀ ਪੈਰੀ ਆਪ ਕੁਹਾੜਾ ਮਾਰ ਲਿਆ। ਦਿੱਲੀ ਸਰਕਾਰ ਨੇ ਬਿਨਾਂ ਖੂਨ ਦਾ ਕਤਰਾ ਵਹਾਏ ਸਿੱਖਾਂ (ਪੰਜਾਬੀਆਂ) ਨੂੰ ਟਿਕਾਣੇ ਲਾ ਦਿੱਤਾ।
ਕ.ਦਾਜ - ਜਾਂ ਦਹੇਜ ਦੀ ਰਸਮ ਨੇ ਵੀ ਪੰਜਾਬੀਆਂ ਦਾ ਘਾਣ ਕਰਾਉਣ ਵਿਚ ਪੂਰੀ ਮਦਦ ਕੀਤੀ। ਕਿਉਂਕਿ ਸੂਝਵਾਨ ਮਾਂਪੇ ਆਪਣੇ ਦਿਲ ਦੇ ਟੁਕੜੇ ਨੂੰ ਵਿਆਹ ਮੌਕੇ, ਨਵੀਂ ਜੋੜੀ ਦਾ ਘਰ ਵਸਾਉਣ ਖਾਤਰ ਕੁਝ ਨਾ ਕੁਝ ਮਦਦ ਦਿੰਦੇ ਹਨ ਜਿਸ ਕਾਰਨ ਲੋਭੀ ਲੋਕਾਂ ਨਾਲ ਕਦੀ ਪੰਗਾ ਪੈ ਜਾਂਦਾ ਹੈ। ਭਾਵ ਉਹ ਸਹੁਰੇ ਜਿਹੜੇ ਦਹੇਜ ਵਜੋਂ ਜਿਆਦਾ ਜਾਇਦਾਦ ਚਾਹੁੰਦੇ ਹਨ ਤੇ ਲਾਲਚ ਵਿਚ ਆ ਕੇ ਬਗਾਨੀਆਂ ਧੀਆਂ ਤੇ ਜੁਲਮ ਢਾਹੁੰਦੇ ਹਨ। ਧੀਆਂ ਤੇ ਇਸ ਪ੍ਰਕਾਰ ਹੋਏ ਜੁਲਮਾਂ ਤੇ ਦਾਜ ਨੂੰ ਕੇਂਦਰ ਸਰਕਾਰ ਨੇ ਝੰਡੇ ਤੇ ਚੜਾ ਕੇ ਪੇਸ਼ ਕੀਤਾ ਤੇ ਲੋਕਾਂ ਵਿਚ ਸਹਿਮ ਪੈਦਾ ਕਰ ਦਿੱਤਾ ਕਿ ਕਲ੍ਹ ਨੂੰ ਉਨ੍ਹਾਂ ਦੀ ਧੀ ਨਾਲ ਵੀ ਇਹ ਕੁਝ ਹੋ ਸਕਦਾ। ਲੋਕਾਂ ਨੇ ਇਸ ਪ੍ਰਕਾਰ ਧੀਆਂ ਨੂੰ ਫਿਰ ਗਰਭ ਵਿਚ ਹੀ ਮਾਰਨਾਂ ਸ਼ੁਰੂ ਕਰ ਦਿੱਤਾ। ਇਕ ਅੰਗਰੇਜ ਸਮਾਜ ਵਗਿਆਨੀ ਦਾ ਕਹਿਣਾ ਹੈ ਕਿ ਲੋਕ ਵਾਹੇ ਹੋਏ ਖੇਤ ਦੀ ਨਿਆਈ ਹੁੰਦੇ ਹਨ ਜਿਸ ਵਿਚ ਜਿਹੜਾ ਮਰਜੀ ਬੀ ਪਾ ਦਿਓ। ਭਾਵ ਜਨਤਾ ਦਾ ਸਮੂਹਕ ਪੱਧਰ ਤੇ ਆਪਣਾ ਦਿਮਾਗ ਨਹੀ ਹੁੰਦਾ। ਸਮਾਜ ਨੂੰ ਪ੍ਰਾਪੇਗੰਡੇ ਰਾਹੀ ਜਿਥੇ ਮਰਜੀ ਜੋ ਦਿਓ ਇਹ ਸੀਲ ਬੌਲਦ ਨਿਆਈ ਵਗਦਾ ਹੈ।
ਇਕ ਮੋਟਾ ਜਿਹਾ ਅੰਦਾਜਾ ਹੈ ਕਿ ਇਕ ਕ੍ਰੋੜ ਦੇ ਕਰੀਬ ਗਰਭ ਡੇਗੇ ਗਏ। ਕੁਝ ਵੀ ਹੋਏ ਸਾਡੇ 50 ਲੱਖ ਭੈਣ ਭਰਾ ਗਰਭ ਵਿਚ ਹੀ ਮਾਰ ਦਿਤੇ ਗਏ।
ਖ. 1.ਨਸ਼ਿਆਂ, 2.ਫਸਲਾਂ ਤੇ ਜ਼ਹਿਰ  ਅਤੇ 3.ਰੇਡੀਏਸ਼ਨ ਕਰਕੇ ਆਈ ਨਾਮਰਦੀ
ਜਣੇਪੇ ਤੇ ਨਾਮਰਦੀ ਤੇ ਕੰਮ ਕਰਨ ਵਾਲੇ ਸਾਡੇ ਡਾਕਟਰ ਮਿਤ੍ਰਾਂ ਨੇ ਦਸਿਆ ਕਿ ਪੰਜਾਬ ਵਿਚ ਅੱਜ ਵੱਡੀ ਤਾਦਾਦ ਵਿਚ ਜਵਾਨ ਨਾਮਰਦ ਹਨ ਭਾਵ ਉਨਾਂ ਦੇ ਸ਼ੁਕਰਾਣੂ ਕਾਰਗਰ ਨਹੀ ਹਨ ਤੇ ਬੱਚਾ ਪੈਦਾ ਕਰਨ ਤੋਂ ਅਸਮਰਥ ਹਨ। ਜਿਸ ਦਾ ਮੁਖ ਕਾਰਨ ਹਨ ਨਸ਼ਿਆਂ ਦਾ ਰੁਝਾਨ। ਆਮ ਕਰਕੇ ਪੰਜਾਬ ਦੇ ਪੇਂਡੂ ਹਲਕੇ ਤੇ ਖਾਸ ਕਰਕੇ ਸਰਹੱਦ ਲਾਗਲੇ ਪਿੰਡ। ਜੋ ਹੋਰ ਖਤਰਨਾਕ ਗਲ ਸਾਨੂੰ ਦਸੀ ਗਈ ਹੈ ਕਿ ਟ੍ਰਿਬੀਊਨ ਅਖ਼ਬਾਰ 'ਚ ਆਇਆ ਹੈ ਕਿ ਸਬਜੀਆਂ ਤੇ ਜੋ ਅੰਨੇਵਾਹ ਜਹਿਰੀਲੀਆਂ ਦਵਾਈਆਂ ਛਿੜਕੀਆਂ ਜਾ ਰਹੀਆਂ ਹਨ ਉਨਾਂ ਦਾ ਵੱਡਾ ਅਸਰ ਪੰਜਾਬ ਦੇ ਲੋਕਾਂ ਦੇ ਸ਼ੁਕਰਾਣੂ ਤੇ ਅੰਡੇਆਂ ਤੇ ਹੋਇਆ ਹੈ। ਜਿਸ ਕਰਕੇ ਪੰਜਾਬੀ ਜੁਵਾਨ ਤੇ ਮੁਟਿਆਰ ਦੀ ਬੱਚਾ ਪੈਦਾ ਕਰਨ ਦੀ ਸਮਰੱਥਾ ਘੱਟੀ ਹੈ। ਫਿਰ ਮਾਲਵੇ ਦੇ ਇਲਾਕੇ ਵਿਚ ਜੋ ਯੂਰੇਨੀਅਮ ਕਰਕੇ ਰੇਡੀਏਸ਼ਨ ਦੇਖਿਆ ਗਿਆ ਹੈ ਓਹ ਵੀ ਪਹਿਲਾਂ ਸ਼ੁਕਰਾਣੂਆਂ ਤੇ ਜਨਾਨਾ ਅੰਡੇ (ਓਵਾ) ਤੇ ਅਸਰ ਕਰਦਾ ਹੈ।
 ਇਹ ਵੀ ਇਕ ਵੱਡਾ ਖਤਰਾ ਹੈ ਜਿਸ ਵਲ ਪੰਜਾਬੀਆਂ ਨੂੰ ਗੌਰ ਕਰਨਾ ਪਵੇਗਾ।ਨਾਮਰਦੀ ਦਾ ਇਕੋ ਇਕ ਹੱਲ ਓਹ ਜੋ ਕੁਦਰਤ ਵਿਚ ਹੁੰਦਾ ਹੈ। ਜਿਥੇ ਪੈਦਾਇਸ਼ ਦੀ ਗੁਜਾਇਸ਼ ਘੱਟ ਹੋਵੇ ਓਥੇ ਕੁਦਰਤ ਜਿਆਦਾ ਜੀ ਪੈਦਾ ਕਰ ਦਿੰਦੀ ਹੈ। ਬਸ ਸਾਨੂੰ ਅਬਾਦੀ ਵਧਾਉਣੀ ਹੋਵੇਗੀ। ਕਿਸਾਨਾਂ ਨੇ ਜਹਿਰ ਪਾਉਣ ਤੋਂ ਬਾਜ ਨਹੀ ਆਉਣਾ ਕਿਉਕਿ ਸਰਕਾਰ ਕੰਟਰੋਲ ਕਰਨ ਨੂੰ ਤਿਆਰ ਨਹੀ।
ਜਿਵੇ ਅਸਾਂ ਪਿਛੇ ਦਸਿਆ ਹੈ ਕਿ ਧਰਮ ਕਮਜੋਰ ਪਿਆ ਹੈ ਪੰਜਾਬ ਵਿਚ, ਨੈਤਕ ਕਦਰਾਂ ਕੀਮਤਾਂ ਘਟੀਆਂ ਹਨ ਐਨ ਏਸੇ ਕਰਕੇ ਹੀ ਇਹ ਖਤਰਾ ਬਣਿਆ ਹੈ। ਅਮੀਰ ਬਣਨ ਦੀ ਦੌੜ ਵਿਚ ਸਾਡੇ ਕਿਸਾਨ ਜਹਿਰ ਪਾਉਣ ਦੀਆਂ ਸਾਰੀਆਂ ਹੱਦਾਂ ਬੰਨੇ ਟੱਪ ਗਏ ਹਨ।ਅੱਜ ਤਾਂ ਸਬਜੀ ਖਾਣ ਵੇਲੇ ਕਿਸੇ ਵੇਲੇ ਡਰ ਲਗਦਾ ਹੈ। ਦੁੱਧ ਦਾ ਬੁਰਾ ਹਾਲ ਹੈ।ਨਕਲੀ ਦੁੱਧ ਤਕ ਬਣਨ ਲਗ ਪਏ ਹਨ।ਜਿਸਦਾ ਮਤਲਬ ਹੈ ਇਕ ਦਿਨ ਦੋਧੀਆਂ ਦਾ ਕੰਮ ਚੌੜ ਹੋ ਜਾਏਗਾ ਤੇ ਸਭ ਲੋਕੀ ਪੈਕਟ ਦੁੱਧ ਹੀ ਵਰਤਣਗੇ।
ਅਗਲਾ ਸਵਾਲ:-

3. ਗੁਣ ਹੋਣਾ ਚਾਹੀਦਾ ਕਿ ਗਿਣਤੀ ? (Quality not Quantity)

ਕਈ ਸੱਜਣਾਂ ਦਾ ਕਹਿਣਾ ਹੈ ਕਿ ਜਿਆਦਾ ਗਿਣਤੀ ਕਰਕੇ ਕੀ ਕਰਨਾ, ਗੁਣਵਾਨ ਬੱਚੇ ਪੈਦਾ ਕਰੋ, ਭਾਵੇਂ ਥੋੜੇ ਹੀ ਹੋਣ। ਹੇੜਾਂ ਕੀ ਕਰਨੀਆਂ ਸਿਰਫ ਆਗੂ ਪੈਦਾ ਕਰੋ। (Produce quality not quantity) ਅਖੇ ਜੀ ਸ਼ੇਰ ਦਾ ਬੱਚਾ ਇੱਕਲਾ ਹੀ ਹੁੰਦਾ ਹੈ। ਦੇਖੋ ਯਹੂਦੀ ਲੋਕ ਬਹਤ ਥੋੜੀ ਗਿਣਤੀ ਵਿਚ ਹਨ ਤੇ ਦੁਨੀਆਂ ਤੇ ਰਾਜ ਕਰ ਰਹੇ ਹਨ ? ਅਜਿਹੇ ਹੀ ਕੁਝ ਸਵਾਲ ਸਾਡੇ ਨਾਲ ਅਮੂਮਨ ਸੱਜਣ ਕਰਦੇ ਹਨ। ਇਨਾਂ ਸਵਾਲਾਂ ਦਾ  ਜੁਆਬ ਪੜ੍ਹ ਕੇ ਤੁਹਾਡੇ ਰੋਂਗਟੇ ਖੜੇ ਹੋ ਜਾਣਗੇ ਕਿ ਅਸੀ ਕਿੰਨੀ ਗਲਤਫਹਿਮੀ ਵਿਚ ਰਹੇ ਹਾਂ।

ਪਹਿਲੀ ਗੱਲ ਤਾਂ ਇਹ ਝੂਠ ਹੈ ਕਿ ਸ਼ੇਰ ਦਾ ਬੱਚਾ ਇਕ ਹੁੰਦਾ ਹੈ। ਸ਼ੇਰਨੀ 2 ਤੋਂ 6 ਤੱਕ ਬੱਚੇ ਦਿੰਦੀ ਹੈ। ਹਾਂ ਸ਼ੇਰ ਦੀ ਇਕ ਮਾੜੀ ਕਰਤੂਤ ਹੁੰਦੀ ਹੈ ਕਿ ਨਰ ਸ਼ੇਰ ਇਕ ਦੂਸਰੇ ਦੇ ਬੱਚੇ ਮਾਰ ਦਿੰਦੇ ਹਨ। ਪਰ ਪੰਜਾਬੀ ਲੋਕ ਸ਼ੇਰਾਂ ਨੂੰ ਵੀ ਮਾਤ ਪਾ ਗਏ ਹਨ। ਸ਼ੇਰ ਦੂਸਰੇ ਦਾ ਬੱਚਾ ਮਾਰ ਦਿੰਦਾ ਪੰਜਾਬੀ ਆਪ ਹੀ ਆਪਣੇ ਬੱਚੇ ਮਾਰਦੇ ਹਨ।

+++15++++
ਅਗਲੀ ਗਲ ਇਹ ਕਿ ਯਹੂਦੀ ਲੋਕਾਂ ਦੀ ਘੱਟ ਗਿਣਤੀ ਹੋਣ ਦੇ ਬਾਵਜੂਦ ਉਹ ਦੁਨਿਆਂ ਤੇ ਰਾਜ ਕਰ ਰਹੇ ਹਨ। ਏਥੇ ਵੀ ਵਿਰੋਧੀ ਗਲਤ ਹਨ, ਬਾਹਰਦੇ ਯਹੂਦੀ (ਝੲਾਸ ਨਿ ਧੳਿਸਪੋਰੳ) ਦੀ ਗਿਣਤੀ ਸਿੱਖਾਂ ਨਾਲੋ ਵੱਧ ਹੈ। ਵੱਡੇ ਸ਼ਰਮ ਦੀ ਗੱਲ ਇਹ ਹੈ ਕਿ ਯਹੂਦੀਆਂ ਦਾ ਗ੍ਰੋਥ ਰੇਟ (ਵੱਧਣ ਦਰ)  ਪੰਜਾਬੀਆਂ ਨਾਲੋ ਕਿਤੇ ਵੱਧ ਹੈ। ਹਿਟਲਰ ਨੇ ਯਹੂਦੀਆਂ ਦਾ ਕਤਲੇਆਮ ਕੀਤਾ ਉਸ ਤੋਂ ਬਾਅਦ ਇੰਨ੍ਹਾਂ ਦੀ ਗਿਣਤੀ ਡੇਢ ਕਰੋੜ ਤੱਕ ਪਹੁੰਚ ਗਈ ਹੈ।
ਪਿਛਲੇ 40 ਸਾਲਾਂ ਤੋਂ ਸਾਡੇ ਨਾਸਤਕ ਨੀਤੀ ਘਾੜਿਆਂ ਨੇ ਹੌਲੀ ਹੌਲੀ ''ਇਕ ਪ੍ਰਵਾਰ ਇਕ ਬੱਚਾ'' ਨੂੰ ਉਤਸ਼ਾਹ ਦਿੱਤਾ। ਨਤੀਜਾ ਸਾਡੇ ਸਾਹਮਣੇ ਹੈ, ਇਸ ਗਿਣਤੀ ਨਾਲ ਕਿੰਨਾ- ਕੁ ਗੁਣ ਪੈਦਾ ਹੋਇਆ। ਸਾਡੇ ਅਖੌਤੀ ਬੁੱਧੀਜੀਵੀ ਕਹਿ ਰਹੇ ਸਨ ਹੇੜ੍ਹਾਂ ਨਹੀਂ ਅਫਸਰ ਪੈਦਾ ਕਰੋ, ਮਜਦੂਰ ਨਹੀਂ ਇੰਜੀਅਰ ਪੈਦਾ ਕਰੋ। ਹੁਣ 40 ਸਾਲ ਬਾਅਦ ਨਤੀਜਾ ਸਾਹਮਣੇ ਹੈ। ਦੂਸਰੇ ਪਾਸੇ ਲਗਪਗ 1985 ਤੱਕ ਪੰਜਾਬੀ ਲੋਕ ਆਪਣੇ ਕੁਦਰਤੀ ਲਹਿਜੇ 'ਚ ਮਟਕ ਕੇ ਚਲ ਰਹੇ ਸਨ ਤੇ ਹਰ ਪਾਸੇ ਪੰਜਾਬੀਆਂ ਦਾ ਬੋਲ ਬਾਲਾ ਸੀ।
ਅੱਜ ਸਾਹਮਣੇ ਪਈ ਅਖ਼ਬਾਰ ਵਿਚ ਭਾਰਤ ਦੀ ਸਿਵਲ ਸਰਵਸਿਜ਼ (SSP/ DC) ਦੀ ਭਰਤੀ ਦਾ ਨਤੀਜਾ ਨਿਕਲਿਆ ਹੈ। ਜਿਹੜੇ ਲੋਕ ਕਹਿੰਦੇ ਜੀ ਗੁਣ ਹੋਣਾ ਚਾਹੀਦਾ ਗਿਣਤੀ ਨਹੀਂ ਉਨ੍ਹਾਂ ਦਾ ਸਿਰ ਸ਼ਰਮ ਨਾਲ ਝੁੱਕ ਜਾਏਗਾ ਕਿ ਅੱਜ ਪੰਜਾਬ 'ਚੋਂ ਘੱਟ ਹੀ ਜੁਆਨ ਆਈ.ਏ.ਐਸ. ਲਈ ਚੁਣੇ ਜਾਂਦੇ ਹਨ। ਕੋਈ ਵੇਲ੍ਹਾ ਹੁੰਦਾ ਸੀ ਪੰਜਾਬੀ ਲੋਕਾਂ ਦਾ ਆਈ.ਏ.ਐਸ. ਕਾਡਰ 'ਚ ਦਬ ਦਬਾ ਹੁੰਦਾ  ਸੀ। ਦਿੱਲੀ ਵਿਚ ਬਕਾਇਦਾ ਗਰੁਪ ਹੁੰਦਾ ਸੀ, ਪੰਜਾਬੀ ਬਨਾਮ ਦੱਖਣ ਭਾਰਤੀ। ਅੱਜ ਕੱਲ੍ਹ ਦੱਖਣ ਭਾਰਤੀ ਬਨਾਮ ਯੂ.ਪੀ./ ਬਿਹਾਰ ਹੈ।ਮੈਰਿਟ ਦੇ ਪਹਿਲੇ 200 ਨਾਵਾਂ 'ਚ ਸਿਰਫ 8 ਹੀ ਪੰਜਾਬੀ ਹਨ ਤੇ ਓਹ ਵੀ ਸਾਰੇ ਦੇ ਸਾਰੇ ਪੰਜਾਬੋਂ ਬਾਹਰ ਦੇ, ਦਿੱਲੀ ਜਾਂ ਹਰਿਆਣੇ ਦੇ।
6. ਰਵੀ ਧਵਨ,  43. ਈਸ਼ਾ ਖੋਸਲਾ,  70. ਹਰਜਿੰਦਰ ਸਿੰਘ,  76. ਨਵਨੀਤ ਸਿੰਘ ਚਾਹਲ, 81. ਦੀਪਤੀ ਉਪਲ, 136. ਸੰਦੀਪ ਸਿੰਘ, 170. ਸਨਪ੍ਰੀਤ ਸਿੰਘ, 185.ਦਲ
200 ਅਫਸਰਾਂ ਵਿਚ ਸਿਰਫ 8 ਪੰਜਾਬੀ, ਇਹਨਾਂ ਵਿਚੋਂ ਵੀ ਸਾਰੇ ਬਾਹਰਲੇ ਸੂਬਿਆਂ ਦੇ, ਤੇ ਕਦੀ ਵੇਲ੍ਹਾ ਹੁੰਦਾ ਸੀ ਪੰਜਾਬੀ ਲੋਕ 39% ਤੱਕ ਹੁੰਦੇ ਸਨ। ਪਹਿਲਾਂ ਫੌਜੀ ਅਫਸਰਾਂ 'ਚ ਜਿਆਦਾ ਗਿਣਤੀ ਪੰਜਾਬੀਆਂ ਦੀ ਹੁੰਦੀ ਸੀ। ਅੱਜ ਸਿਰਫ 2 - 4%ਹੀ ਰਹਿ ਗਏ ਹਨ।
ਸਿਹਤ ਪੱਖੋਂ ਪੰਜਾਬ ਗਰਕਿਆ- ਅਵੇਸਲਾਪਣ ਵਧਣ ਕਾਰਨ ਹੇਠ ਲਿਖੇ ਰੋਗ ਪੰਜਾਬ ‘ਚ ਅੱਜ ਘਰ ਕਰ ਗਏ ਹਨ। ਬਲੱਡ ਪ੍ਰੈਸ਼ਰ, ਹਾਰਟ ਅਟੈਕ, ਸ਼ੂਗਰ, ਗੰਠੀਆ (ਬੇਕਾਰ ਗੋਡੇ), ਪੇਟ ਗੈਸ, ਬੱਚੇਦਾਨੀ ਦੀਆਂ ਰਸੌਲੀਆਂ, ਅਨਿਯਮਤ ਮਾਹਵਾਰੀ, ਨਾਮਰਦੀ, ਕੈਂਸਰ, ਰਾਤ ਨੂੰ ਸਾਹ ਰੁਕਣਾ ,  ਗੈਂਠੀਆ, ਰੀਫਲੱਕਸ, ਡੀਪ੍ਰੈਸ਼ਨ, ਪਿਸ਼ਾਬ ਦੇ ਰੋਗਾਂ ਵਿਚ ਵਾਧਾ।ਅੱਗੇ ਵਿਸਥਾਰ ਨਾਲ ਪੜੋਗੇ ਕਿ ਕਿਵੇ ਅੱਧੀਆਂਮੌਤਾਂ ਸਿਰਫ ਦਿਲ ਸਬੰਧੀ ਰੋਗਾਂ ਕਰਕੇ ਹੀ ਹੋ ਰਹੀਆਂ ਹਨ।
ਹੋਰ ਦੇਖੋ ਸਾਡੇ ਨਾਸਤਕਾਂ ਦੀ ਨੀਤ ਨੇ ਕੀ ਗੁੱਲ ਖਿੜਾਏ ਨੇ।

ਜੀਤ  ਕੌਰ।

ਪੜਾਈ ‘ਚ ਪੰਜਾਬ ਅੱਜ 25ਵੇਂ ਨੰਬਰ ਤੇ

1911 ਦੀ ਮਰਦਮ ਸ਼ੁਮਾਰੀ ਮੁਤਾਬਿਕ ਪੜਾਈ ਪੱਖੋਂ ਪੰਜਾਬ 4 - 5 ਨੰਬਰ ਤੇ ਸੀ। 1951 'ਚ ਪੰਜਾਬ ਪੜਾਈ ਪੱਖੋਂ 7ਵੇਂ ਨੰਬਰ ਤੇ, 1961 'ਚ 13ਵੇਂ ਨੰਬਰ ਤੇ 1971 'ਚ 11 ਨੰਬਰ, ਤੇ ਅੱਜ ਲਿਖਦਿਆਂ ਸ਼ਰਮ ਆ ਰਹੀ ਹੈ, ਪੰਜਾਬੀਆਂ ਦਾ ਪੰਜਾਬ ਮਰਦ ਪੜਾਈ ਪੱਖੋਂ 25ਵੇਂ ਨੰਬਰ  (Male Literacy Rate)  'ਚ ਤੇ ਜਾ ਰਿਹਾ ਹੈ। ਪਿਆਰਾ ਪੰਜਾਬ ਏਨਾਂ ਸੂਬਿਆਂ ਤੋਂ ਵੀ ਪਿਛੇ ਰਹਿ ਗਿਆ ਹੈ:- Maharashtra, Himachal Pr. Uttarakhand, Tamilnadu, Tripura, Manipur, Gujarat, Haryana, Chhattisgarh, West Bengal, Karnataka, Madhya Pr., Sikkim, Rajasthan, Orissa । ਕੁੱਲ ਮਿਲਾ ਕੇ 16 ਵੇਂ ਨੰਬਰ ਤੇ। ਭਾਰਤ ਵਿਚ ਜੇ 25 ਵਾਂ ਥਾਂ ਤੇ ਚਲਾ ਗਿਆ ਹੈ ਤਾਂ ਬਾਕੀ ਕਾਮਰੇਡ ਵੀਰ ਦੱਸ ਦੇਣ ਹੋਰ ਕਿੰਨੀ ਕੁ ਕੁਆਲਿਟੀ (ਗੁਣ) ਪੈਦਾ ਕਰਨਾ ਹੈ।
ਗੁਰਦਾਸਪੁਰ ਦੇ ਇਕ ਫਾਰਮੇਸੀ ਕਾਲਜ ਵਿਚ ਅਸਾਂ ਦੇਖਿਆ 45% ਵਿਦਿਆਰਥੀ ਪੰਜਾਬੋਂ ਬਾਹਰ ਦੇ ਹਨ।
ਐਨ ਏਸੇ ਤਰਾਂ ਦਾ ਤਜੱਰਬਾ ਸਾਡੇ ਨਾਲ ਜਲੰਧਰ ਦੇ ਇੰਜੀਨੀਅਰ ਕਾਲਜਾਂ 'ਚ ਹੋਇਆ। ਕਹਿਣ ਤੋਂ ਭਾਵ ਅੱਜ ਪੰਜਾਬ ਦੇ ਵਧੀਆ ਕੋਰਸਾਂ ਦੇ ਕਾਲਜਾਂ ਵਿਚ ਪੰਜਾਬੋਂ ਬਾਹਰ ਦੇ ਵਿਦਿਆਰਥੀ ਪੜ ਰਹੇ ਹਨ।ਦਿਹਾਤੀ ਇਲਾਕਿਆਂ ਦੇ ਕਈ ਇੰਜੀਅਰਿੰਗ ਕਾਲਜ ਤਾਂ ਹੁਣ ਫੇਲ ਹੋਣ ਦੀ ਕਗਾਰ ਤੇ ਵੀ ਪਹੁੰਚ ਚੁੱਕੇ ਹਨ। ਇਥੇ ਸਿਰਫ ਪੰਜਾਬੋ ਬਾਹਰ ਦੇ ਬੱਚੇ ਹੀ ਥੋਵੇ ਬਹੁਤ ਪੜ੍ਹ ਰਹੇ ਨੇ।
 
+++16+++

ਪਿਛੇ ਟ੍ਰਿਬਿਊਨ ਅਖ਼ਬਾਰ ਵਿਚ ਅੰਕੜੇ ਆਏ ਕਿ ਪੰਜਾਬ ਦੇ ਟੈਕਨੀਕਲ ਕਾਲਜਾਂ ਵਿਚ ਪੰਜਾਬ ਦੇ ਪੇਂਡੂ ਖੇਤਰ ਦੇ ਸਿਰਫ 3% ਬੱਚੇ ਹੀ ਦਾਖਲਾ ਲੈ ਪਾਉਂਦੇ ਹਨ। ਕੀ ਇਸ ਤੋਂ ਵੱਧ ਗੁਣ ਪੈਦਾ ਕਰਨਾ ਸਾਡੇ ਵੀਰਾਂ ਨੇ?  ਪੰਜਾਬ ਦੇ ਦਿਹਾਤੀ ਇਲਾਕੇ ਵਿਚ ਕਿਉਕਿ ਵਿਦਿਆਰਥੀਆਂ ਦੀ ਬਹੁ ਗਿਣਤੀ ਸਰਕਾਰੀ ਸਕੂਲਾਂ ਤੋਂ ਆਉਦੀ ਹੈ ਤੇ ਇਸ ਤਬਕੇ ਤੇ ਕਾਮਰੇਡ ਵੀਰਾਂ ਨੇ ਖੂਬ ਪ੍ਰਚਾਰ ਕੀਤਾ ਜਿਸ ਕਰਕੇ ਦਿਹਾਤੀ ਇਲਾਕਾ ਤਾਂ ਪੜਾਈ ਪੱਖੋ ਬਿਲਕੁਲ ਬਰਬਾਦ ਹੀ ਹੋ ਗਿਆ ਹੈ। ਪਹਿਲਾਂ ਪੰਜਾਬੋਂ ਬਾਹਰ ਦਾ ਵਿਦਿਆਰਥੀ ਪੰਜਾਬ ਦੇ ਵਧੀਆ ਕਾਲਜਾਂ ਵਿਚ ਦਾਖਲਾ ਨਹੀ ਸੀ ਲੈ ਪਾਉਦਾ ਹੁਣ ਉਲਟਾ ਹੋ ਗਿਆ ਹੈ।
ਆਹ ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਤਾਂ ਸਿਧਾਂਤਕ ਰੂਪ 'ਚ ਕੋਈ ਟੈਕਨੀਕਲ ਨਹੀਂ ਹੈ। ਪਰ ਇਸਦੇ ਵੀ ਵਧੀਆ ਕੋਰਸਾਂ ਵਿਚ ਵੱਡੀ ਗਿਣਤੀ ਵਿਚ ਬੱਚੇ ਪੰਜਾਬੋਂ ਬਾਹਰ ਦੇ ਹਨ। ਅਸੀਂ ਇਹ ਵੀ ਦੇਖਿਆ ਕਿ ਪੰਜਾਬੋਂ ਬਾਹਰ ਦੇ ਬੱਚਿਆਂ ਨੂੰ ਪੰਜਾਬ ਸਰਕਾਰ ਵਜੀਫੇ ਵੀ ਦੇ ਰਹੀ ਹੈ।
ਅਸੀਂ ਬਾਹਰਦੇ ਵਿਦਿਆਰਥੀਆਂ ਦੇ ਦੁਸ਼ਮਣ ਨਹੀਂ ਹਾਂ। ਅਸੀਂ ਕਹਿੰਨੇ ਆਂ ਸਾਡੇ ਬੱਚੇ ਕਿਉਂ ਨਹੀਂ ਅੱਗੇ ਆ ਪਾਏ।
ਕਹਿਣ ਤੋਂ ਭਾਵ ਅਸੀਂ ਗੁਣ ਪੈਦਾ ਕਰਨ 'ਚ ਫੇਲ ਹੋ ਗਏ। ਪਹਿਲਾਂ (1985 ਤਕ) ਅਸੀਂ ਗਿਣਤੀ ਵਿਚੋਂ ਗੁਣ ਪੈਦਾ ਕਰ ਲੈਂਦੇ ਸਾਂ। ਹੁਣ ਗਿਣਤੀ ਪੱਖੋਂ ਵੀ ਗਏ ਤੇ ਗੁਣ ਰਿਹਾ ਹੀ ਨਾ।
ਸੋ ਯਾਦ ਰੱਖੋਂ ਮਨੁੱਖੀ ਸ਼ਕਤੀ ਵਿਚੋਂ ਜੇ ਗੁਣ ਪੈਦਾ ਕਰਨਾ ਤਾਂ ਉਹ ਮੁਕਾਬਲੇ ਨਾਲ ਪੈਦਾ ਹੁੰਦਾ ਹੈ।(Spirit  of Competitiveness) ਜਿੰਨਾਂ ਦੇ ਇੱਕਲੇ ਇੱਕਲੇ ਮੁੰਡੇ ਨੇ ਉਨਾਂ ਦੀ ਔਲਾਦ ਅਵੈਸਲੀ ਹੋ ਜਾਂਦੀ ਹੈ। ਇੱਕਲੇ ਅਕਸਰ ਨਲਾਇਕ ਨਿਕਲਦੇ ਹਨ ਜਾਂ ਲਾਪਰਵਾਹ ਹੁੰਦੇ ਹਨ ਕਿਉਂਕਿ ਉਨਾਂ ਦੀ ਪਾਲਣਾਂ ਪੋਸਣਾ ਲਾਡ ਪਿਆਰ ਨਾਲ ਹੁੰਦੀ ਹੈ। ਇਸ ਖਾਤਰ ਸਾਨੂੰ ਮਨੁੱਖੀ ਫਿਤਰਤ ਤੇ ਇਨਸਾਨੀ ਮਾਨਸਿਕਤਾ ਸਮਝਣੀ ਪਵੇਗੀ।

ਅਗਲਾ ਸਵਾਲ :- ਵਧੀ ਅਬਾਦੀ ਲਈ ਰੋਟੀ, ਕੱਪੜਾ ਤੇ ਮਕਾਨ ਕਿਥੋਂ ਆਉਣਗੇ। ਪਹਿਲਾਂ ਹੀ ਬੜੀ ਥੁੜ ਹੈ, ਮਹਿੰਗਾਈ ਹੈ।

ਇਹ ਕਹਿਣਾ ਕਿ ਅਨਾਜ ਕਿਥੋਂ ਆਉਗਾ, ਮਕਾਨ, ਕੱਪੜਾ ਅਸੀਂ ਮੁਹੱਈਆ ਨਹੀਂ ਕਰ ਪਾਉਣਾ ਮੂਰਖਤਾ ਦੀ ਸਿਖ਼ਰ ਹੈ। ਸਰਕਾਰਾਂ ਨੂੰ ਸਾਰਾ ਪਤਾ ਹੁੰਦਾ ਹੈ ਕਿ ਵੱਧ ਅਬਾਦੀ ਨਾਲ ਅਨਾਜ ਵੱਧ ਪੈਦਾ ਹੁੰਦਾ ਹੈ (question of demand and supply) ਮਕਾਨ ਵੱਧ ਬਣਦੇ ਹਨ। ਸਿਰਫ ਅਸੀਂ ਪੰਜਾਬੀ ਲੋਕ ਭੋਲੇ ਹਾਂ ਜਿਹੜੇ ਸਰਕਾਰ ਦੇ ਪ੍ਰਾਪੇਗੰਡਾ ਦਾ ਸ਼ਿਕਾਰ ਬਣੇ। ਹੁਣ ਪੜੋ ਵੱਧੀ ਅਬਾਦੀ ਲਈ ਅਨਾਜ ਕਿਥੋਂ ਆਵੇਗਾ।
ਇਸ ਸਬੰਧ ਵਿਚ ਇਕ ਸਿੱਧਾ ਜਿਹਾ ਸਿਧਾਂਤ ਕੰਮ ਕਰਦਾ ਹੈ, ''ਲੋੜ ਕਾਢ ਦੀ ਮਾਂ ਹੁੰਦੀ ਹੈ,ਭਾਵ ਜਰੂਰਤ ਪੈਣ ਤੇ ਮਨੁੱਖੀ ਦਿਮਾਗ ਵਸੀਲੇ ਖੋਜ ਲੈਂਦੀ ਹੈ।
ਉਦਾਹਰਣ ਵਜੋਂ 1947 'ਚ ਭਾਰਤ ਦੀ ਅਬਾਦੀ 32 ਕਰੋੜ ਸੀ। ਪਰ ਉਦੋਂ ਭੁੱਖੇ ਰਹਿਣ ਵਾਲੇ ਲੋਕਾਂ ਦਾ ਅਨੁਪਾਤ ਅੱਜ ਨਾਲੋਂ ਕਿਤੇ ਜਿਆਦਾ ਸੀ। ਅੱਜ ਅਬਾਦੀ 121 ਕਰੋੜ ਹੈ। ਭਾਵ 121 'ਚ ਭੁੱਖੇ ਘੱਟ ਹਨ ਤੇ 32 'ਚ ਜਿਆਦਾ।
ਫਿਰ ਸੁਆਲ ਉਠਦੈ ਕਿ ਮਨ ਲਓ ਕਿਸੇ ਇਲਾਕੇ ਦੀ ਖੁਰਾਕ ਦੀ ਉਪਜ ਹੀ ਵੱਧ ਤੋਂ ਵੱਧ ਲੈ ਲਈ ਗਈ ਹੈ ਉਸ ਤੋਂ ਵੱਧ ਉਪਜ ਹੋ ਹੀ ਨਹੀਂ ਸਕਦੀ ਤੇ ਉਥੇ ਕੀ ਬਣੇਗਾ (Saturation Point) ਤੇ ਮਜੇਦਾਰ ਗੱਲ ਇਹ ਹੈ ਕਿ ਫਿਰ ਓਥੇ ਵੀ ਇਨਸਾਨ ਕਾਢ ਕੱਢ ਲਵੇਗਾ। ਉਦਾਹਰਣ ਵਜੋਂ ਪੰਜਾਬ ਦੇ ਦੁਆਬੇ ਇਲਾਕੇ ਵਿਚ ਜਿਵੇਂ ਜਮੀਨਾਂ ਥੋੜੀਆਂ ਪੈ ਗਈਆਂ ਤੇ ਬਹਾਦਰ ਦੁਆਬੀਆਂ ਨੇ ਉਸ ਦਾ ਹੱਲ ਲੱਭਿਆ। ਉਹ ਯੂਰਪੀਨ ਤੇ ਅਮਰੀਕਨ ਮੁਲਕਾਂ 'ਚ ਗਏ ਤੇ ਆਪਣੀ ਮਿਹਨਤ ਸੱਦਕਾ ਓਥੇ ਵੀ ਦੁਆਬਾ ਪੈਦਾ ਕਰ ਲਿਆ।
ਪਰ ਅਜੇ ਤਾਂ ਪੰਜਾਬ 'ਚ Saturation Point ਆਇਆ ਹੀ ਨਹੀਂ ਭਾਵ ਅਜੇ ਨੱਕੋਂ ਨੱਕ ਤਾਂ ਭਰਿਆ ਹੀ ਨਹੀਂ। ਅਜੇ ਤਾਂ ਬਹੁਤ ਗੁਜਾਇਸ਼ ਹੈ। ਕਰੋੜ ਤੋਂ ਵੱਧ ਲੋਕ ਹੋਰ ਸਮਾਂ ਸਕਦੇ ਹਨ, ਪੰਜਾਬ ਦੀ ਧਰਤੀ ਤੇ। ਇਹ ਅੱਗੇ ਪੜੋਗੇ, ਕਿਸ ਤਰ੍ਹਾਂ ?
ਸੋ ਪੰਜਾਬੀ ਵੀਰੋ ਸਾਡੇ ਫੈਲਾਅ ਲਈ ਪੂਰੀ ਧਰਤੀ ਖਾਲੀ ਪਈ ਹੈ। ਅਬਾਦੀ ਤਾਂ ਦੁਨੀਆਂ ਦੇ ਚਾਰ ਪੰਜ ਮੁਲਕਾਂ 'ਚ ਸੰਘਣੀ ਹੈ ਬਾਕੀ ਮੁਲਕ ਤਾਂ ਖਾਲੀ ਪਏ ਹੋਏ ਹਨ।
ਸੋ ਜਰੂਰਤ ਅਨੁਸਾਰ ਬੰਦੇ ਦਾ ਦਿਮਾਗ ਖੋਜ ਕਰ ਲੈਂਦਾ ਹੈ ਅਨਾਜ ਦੀ ਕਮੀ ਵੱਧ ਅਬਾਦੀ ਕਰਕੇ ਨਹੀਂ ਹੋ ਸਕਦੀ। ਹਾਂ ਕਦੀ ਕਮੀ ਹੁੰਦੀ ਹੈ ਕਾਲ ਪੈਦੇ ਹਨ ਉਹਦਾ ਕਾਰਨ ਇਹ ਨਹੀ ਕਿ ਅਬਾਦੀ ਵਧ ਸੀ ਇਸ ਕਰਕੇ ਕਾਲ ਪਿਆ।

+++17+++
ਪੰਜਾਬ 'ਚ ਅਬਾਦੀ ਦਾ ਘਣਤਵ (Density of population) 484 ਬੰਦੇ ਫੀ ਮੁਰੱਬਾ ਕਿਲੋਮੀਟਰ ਹੈ ਤੇ ਕਈ ਅਜਿਹੇ ਮੁਲਕਾਂ ਹੈਗੇ ਨੇ ਜਿੰਨਾਂ ਦਾ ਘਣਤਵ ਇਸ ਤੋ ਵੀ ਕਿਤੇ ਜਿਆਦਾ ਹੈ ਤੇ ਪੰਜਾਬ ਨਾਲੋਂ ਕਿਤੇ ਜਿਆਦਾ ਖੁਸ਼ਹਾਲ ਹਨ। ਫਿਰ ਖੁੱਸ਼ੀ ਦੀ ਗਲ ਇਹ ਹੈ ਕਿ ਬਹੁਤੇ ਮੁਲਕ ਅਬਾਦੀ ਗਣਤਵ ਪੱਖੋ ਖਾਲੀ ਪਏ ਹੋਏ।ਅਬਾਦੀ ਗਣਤਵ ਪੱਖੋ ਦੁਨੀਆਂ ਦੇ 240 ਮੁਲਕਾਂ ਵਿਚੋਂ ਭਾਰਤ 33ਵੇ ਨੰਬਰ ਤੇ ਹੈ ਭਾਵ 207 ਮੁਲਕਾਂ ਦੀ ਅਬਾਦੀ ਭਾਰਤ ਨਾਲੋ ਘੱਟ ਹੈ। ਭਾਵ ਬਹੁਤ ਦੁਨੀਆਂ ਬੇਅਬਾਦ ਪਈ ਹੋਈ ਹੈ।  ਉਦਾਹਰਣ ਵਜੋਂ ਆਸਟਰੇਲੀਆ ਮੁਲਕ ਦਾ ਘਣਤਵ ਸਿਰਫ 3 ਬੰਦੇ, ਕਨੇਡਾ ਦਾ 3, ਕਜਾਕਿਸਤਾਨ ਦਾ 6, ਰੂਸ ਦਾ 8, ਤੁਰਕਮੇਨਿਸਤਾਨ ਦਾ 10 ਆਦਿ। ਕਹਿਣ ਤੋਂ ਭਾਵ ਦੁਨੀਆ ਖਾਲੀ ਪਈ ਹੋਈ ਹੈ।

ਭਾਗ ਦੋ (ਕਲਿਕ ਕਰੋ)

PLEASE SEE PART II 

http://www.punjabmonitor.com/2013/05/vadh-bachey-bache-punjab-2-more-babies.html

Share this article :

1 comment:

Anonymous said...

Sir, Yes this is a good book to read and to circulate to others.

Please let me know the method of buying this book ?

Any distributors ? can one buy it directly from you ?

Post a comment

 

Punjab Monitor